اسرائیل کے خلاف ہزاروں میزائل تیار ہیں
تہران 10 اکتوبر(ایجنسی)ایران اور پوری دنیا اس مہینے کے شروع میں ایرانی میزائل حملے پر اسرائیل کے ردعمل کا انتظار کر رہی ہے۔ تہران نےایک بار پھردھمکی دی ہے۔ایرانی پاسداران انقلاب کے اسسٹنٹ کمانڈر ابراہیم جباری نے اخباری بیانات میں کہا کہ “اگر ہم نے حال ہی میں 200 میزائل داغے ہیں تو اب ہم اسرائیل کی طرف ہزاروں میزائل داغنے کے لیے تیار ہیں”۔ تاہم انہوں نے مزید کہا کہ “اگر اسرائیل کوئی حملہ نہیں کرتا تو جنگ نہیں ہوگی”۔انہوں نے مزید کہا کہ “لیکن اگر اسرائیل ہمارے ملک میں ایک مقام کو نشانہ بناتا ہے تو ہم درجنوں سکیورٹی، فوجی اور اقتصادی مراکز کو نشانہ بنا کر جواب دیں گے”۔درایں اثناء ایران میں موبلائزیشن آرگنائزیشن کے سربراہ بریگیڈیئر جنرل غلام رضا سلیمانی نے کہا کہ ان کا ملک نئی ٹیکنالوجی استعمال کرے گا جو اسرائیل کو حیران کر دے گی۔اسرائیل اب بھی تہران اور ٹارگٹ بینک کو جواب دینے کے لیے آپشنز کا مطالعہ کر رہا ہے۔ وہ اچانک اور سخت ردعمل کی دھمکی دے کر کارروائی کرسکتا ہے جو ایران کے لیے غیر متوقع ہوسکتا ہے۔اسرائیلی ذرائع نے امکان ظاہر کیا کہ اس حملے میں تیل کی تنصیبات یا بجلی کے اسٹیشنوں کے ساتھ ساتھ فوجی مقامات بھی شامل ہو سکتے ہیں۔ اسرائیلی چینل 12 کے مطابق اسرائیلی ٹارگٹ بنک میں ایرانی صدارتی کمپلیکس، سپریم لیڈر علی خامنہ ای کے کمپلیکس اور ساتھ ہی تہران میں پاسداران انقلاب کے ہیڈ کوارٹر پر حملے ہوسکتے ہیں۔دوسری جانب تہران نے یکم اکتوبر کے حملے سے زیادہ سخت ردعمل کی دھمکی دی تھی جب کہ گذشتہ اتوار کو قدس فورس سے منسوب ایک چینل نے جو کہ پاسداران انقلاب کا حصہ ہے نے اسرائیل کے حساس مقامات کا نقشہ شائع کیا تھا ساتھ ہی یہ پیغام دیا تھا کہ اگراسرائیل نےحملہ کیا تو ایران کے پاس اسرائیل کے اندر حساس نوعیت کے مراکزپرحملہ ہوسکتا ہے۔
