مغربی بنگال کے 2 پولنگ بوتھ پر آج ہو رہی ہے دوبارہ ووٹنگ، دھاندلی کی شکایت کے بعد الیکشن کمیشن کا فیصلہ
مغربی بنگال کی باراسات اور متھرا پور لوک سبھا سیٹوں پر آج (3 جون) 2 بوتھ پر دوبارہ پولنگ ہو رہی ہے۔ الیکشن کمیشن نے یہاں دوبارہ پولنگ کے احکامات جاری کئے ہیں۔ ان بوتھس پر آخری مرحلے میں یکم جون کو ووٹنگ ہوئی تھی لیکن دھاندلی کی شکایت کے بعد ان بوتھوں پر دوبارہ پولنگ کرانے کا فیصلہ کیا گیا تھا۔ ان بوتھس پر آج صبح 7 بجے سے شام 6 بجے تک ووٹنگ جاری رہے گی۔
#WATCH | West Bengal: Re-election being held in booth number 26 in an area under Kakdwip Assebly constituency of Mathurapur Parliamentary constituency.
People form long queues to cast their vote. Adequate security deployment made. pic.twitter.com/N97O8H5BW3
— ANI (@ANI) June 3, 2024
باراسات کے دگنگ اسمبلی اور متھرا پور کے کاک دیپ اسمبلی میں واقع ان بوتھوں پر آج دوبارہ ووٹنگ ہو رہی ہے۔ الیکشن کمیشن کے مطابق متعلقہ ڈسٹرکٹ الیکشن آفیسر کی رپورٹ کی بنیاد پر ان بوتھس پر دوبارہ پولنگ کرانے کا فیصلہ کیا گیا ہے۔ انہیں بوتھوں پر دھاندلی کی شکایت تھی۔ ان بوتھوں پر ووٹنگ شروع ہونے سے قبل سیکورٹی کے سخت انتظامات کر دیئے گئے تھے تاکہ دوبارہ کوئی دھاندلی ن ہو۔ ان بوتھوں کے قریب بھی کسی غیر متعلقہ شخص کے جانے پر روک لگا دی گئی ہے۔
West Bengal | Re-polls ordered at one polling station each in the Barasat and Mathurapur Lok Sabha constituencies for General Elections
Voting took place at these stations on June 1 & fresh polling will be held on June 3 from 7 am to 6 pm.
#LokSabhaElections2024 pic.twitter.com/3GriOAzixF
— ANI (@ANI) June 2, 2024
الیکشن کمیشن نے مغربی بنگال کے چیف الیکٹورل آفیسر کو لکھے خط میں کہا ہے کہ یکم جون کو لوک سبھا انتخابات کے ساتویں اور آخری مرحلے کے دوران ریاست کے مختلف علاقوں میں ترنمول کانگریس (ٹی ایم سی)، انڈین سیکولر فرنٹ (آئی ایس ایف) اور بھارتیہ جنتا پارٹی (بی جے پی) کے حامیوں کے درمیان جھڑپیں ہوئیں۔ ہفتہ کو لوک سبھا انتخابات میں ساتویں اور آخری مرحلے کی ووٹنگ کے دوران مغربی بنگال کے بشیر ہاٹ کے بیارباری میں ترنمول کانگریس اور بی جے پی کارکنوں کے درمیان مبینہ تصادم ہوا۔ مغربی بنگال کے جنوبی 24 پرگنہ ضلع کے میرا گنج میں بھی ٹی ایم سی اور بی جے پی کارکنوں کے درمیان تصادم ہوا، جس میں کئی لوگ زخمی ہوئے۔
پولنگ کے بعد عوام کو ملا مہنگائی کا تحفہ، ٹول ٹیکس میں 5 فیصد اضافہ،آج سے ہوگا لاگو
الیکشن کمیشن کے حکم کے مطابق مغربی بنگال میں 17 باراسات پارلیمانی حلقہ کے120-دگانگ اسمبلی حلقہ کے 61 کدم باگچی سردار پاڑا ایف پی اسکول، روم نمبر 2 اور 20 متھراپور (ایس سی) پارلیمانی حلقہ کے 131-کاک دیپ اسمبلی حلقہ کے 26 آدی محل شری چیتنیہ ودیا پیٹھ ایف پی اسکول میں از سرِ نو ووٹنگ کرائی جائے گی۔الیکشن کمیشن نے کہا کہ 17 باراسات اور 20 متھرا پور (ایس سی) پارلیمانی حلقوں کے انتخابی افسران سے رپورٹ موصول ہونے کے بعد دوبارہ پولنگ کے احکامات دیے گئے ہیں۔ الیکشن کمیشن کے مطابق دوبارہ ووٹنگ کا یہ فیصلہ تمام مادی حالات کو مدنظر رکھتے ہوئے کیا گیا ہے۔
