![](https://jadeedbharat.com/wp-content/uploads/2024/01/President_Murmu_in_Meghalya-C4oydZ-750x450.jpeg)
صدر دروپدی مرمو دو روزہ دورے پر کل میگھالیہ پہنچیں، اپنے دورے کے دوران وہ کئی پروگراموں میں حصہ لیں گی۔محترمہ مرمو کا استقبال میگھالیہ کے گورنر فاگو چوہان، وزیر اعلیٰ کونراڈ کے سنگما، وزیر تعلیم رکمک سنگما مغربی گارو ہلز ضلع کے بالجیک ہوائی اڈے پر کیا۔
صدر جمہوریہ کا پی اے سنگما اسپورٹس کمپلیکس میں میگھالیہ گیمز 2024 کا افتتاح کرنا ان کے پراگرام میں شامل ہے ۔ توقع ہے کہ کھیلوں میں 22 مقابلوں میں 12 اضلاع کی نمائندگی کرنے والے 3,000 سے زیادہ ایتھلیٹس حصہ لیں گے۔ میگھالیہ گیمز میں خاصی، جینتیا اور گارو مقامی کمیونٹیز کے روایتی کھیل پیش کیے جائیں گے، جس کے لیے ریاستی حکومت نے 23 کروڑ روپے سے زیادہ مختص کیے ہیں۔
محترمہ مرمو نےتورا میں رات کو قیام کیا، جو کہ بنیادی طور پر مقامی گارو لوگ آباد ہیں اور وہ گارو پہاڑیوں کے علاقے میں رات گزارنے والی پہلی موجودہ صدر بنیں گی۔صدر تورا میں نئے تعمیر شدہ راج بھون میں قیام کرنے والی پہلے سرکاری مہمان بنی۔ سابق صدر ڈاکٹر راجندر پرساد اور سابق صدر پرتیبھا پاٹل کے بالترتیب 1952 اور 2008 میں شہر کا دورہ کرنے کے بعد وہ گارو ہلز کا دورہ کرنے والی تیسری صدر ہوگئی۔
محترمہ مرمو آج میگھالیہ کے دارالحکومت شیلانگ جائیں گی اور ماوفلانگ سیکرڈ گرووز میں ایک جلسہ عام سے خطاب کریں گی۔ وہ موفلانگ میں منعقدہ ایک تقریب کے دوران شیلانگ چوٹی روپ وے پروجیکٹ اور کونگ تھونگ، ماولنگوٹ اور کوڈینگریم گاؤں میں سیاحوں کی رہائش کا سنگ بنیاد بھی رکھیں گی۔
![Follow us on Google News](https://jadeedbharat.com/wp-content/uploads/2024/01/GoogleNews.png)