National

ایک اور رکن اسمبلی کی بی ایس آر کو چھوڑ کر کانگریس میں شمولیت کی تیاری

99views

حیدرآباد: لوک سبھا انتخابات سے قبل بھارت راشٹر سمیتی (بی آر ایس) کے ایک اور رکن اسمبلی پارٹی کو خیرباد کہہ سکتے ہیں۔ گریٹر حیدرآباد کی راجندر نگر اسمبلی سیٹ سے بی آر ایس کے رکن اسمبلی ٹی پرکاش گوڑ نے جمعہ کو وزیر اعلیٰ ریونت ریڈی سے ملاقات کی۔ وہ اپنے حامیوں کے ساتھ دو یا تین دن میں برسراقتدار پارٹی کا ہاتھ تھام سکتے ہیں۔

پرکاش گوڑ راجندر نگر اسمبلی سیٹ سے لگاتار چوتھی مرتبہ رکن اسمبلی منتخب ہوئے ہیں۔ وہ 2009 سے ہی لگاتار اس سیٹ پر جیت کا پرچم لہراتے رہے ہیں۔ سال 2014 میں انہیں ٹی ڈی پی نے اپنا امیدوار بنایا تھا لیکن اس کے بعد وہ بی آر ایس میں شامل ہو گئے۔ انہیں 2018 میں بی آر ایس کے ٹکٹ پر دوبارہ منتخب کیا گیا اور 2023 کے انتخاب میں وہ اس سیٹ کو بچائے رکھنے میں کامیاب رہے۔

اگر پرکاش گوڑ کانگریس میں شامل ہو جاتے ہیں تو وہ بی آر ایس کے چوتھے ایسے رکن اسمبلی ہوں گے، جنہوں نے ایک مہینے سے بھی کم عرصہ میں کانگریس کا دامن تھام لیا ہے۔ اس کے علاوہ، لوک سبھا انتخابات سے قبل بی آر ایس کے پانچ موجودہ ارکان پارلیمنٹ میں سے تین نے کانگریس کا دامن تھام لیا جبکہ دو نے بی جے پی میں شمولیت اختیار کر لی۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.