![](https://jadeedbharat.com/wp-content/uploads/2023/12/Pooja-Singhal-IAS-750x450.webp)
:- رانچی/دہلی: منی لانڈرنگ کے ملزم معطل آئی اے ایس پوجا سنگھل کی ضمانت کی درخواست پر ہفتہ کو سپریم کورٹ کے جج جسٹس سنجے کشن کول اور جسٹس سدھانشو دھولیا کی بنچ میں سماعت ہوئی۔ پوجا سنگھل کی طرف سے سینئر وکیل سدھارتھ لوتھرا نے دلائل دیے۔ ای ڈی کی جانب سے اے ایس جی (اسسٹنٹ سالیسٹر جنرل) ایس وی راجو نے اپنا رخ پیش کیا۔ سماعت کے دوران ای ڈی کے وکیل نے سپریم کورٹ کو بتایا کہ پوجا سنگھل سے متعلق منی لانڈرنگ کیس میں دو اہم گواہوں کا بیان نچلی عدالت میں ریکارڈ کیا گیا ہے۔ لیکن ایک گواہ کا بیان فی الحال ریکارڈ نہیں کیا جا سکا کیونکہ وہ الیکشن ڈیوٹی پر کام کر رہا تھا۔ جس کے بعد عدالت نے کیس کی اگلی سماعت 14 دسمبر مقرر کی۔ آپ کو بتا دیں کہ پوجا سنگھل نے اس سال 12 اپریل کو رانچی ای ڈی کی خصوصی عدالت میں خودسپردگی کی تھی۔ تب سے وہ برسا منڈا سینٹرل جیل میں بند ہیں۔ ای ڈی نے پوجا سنگھل کو 11 مئی 2022 کو جھارکھنڈ کے کھنٹی میں منریگا گھوٹالہ معاملے میں گرفتار کیا تھا۔ ان کے شوہر ابھیشیک جھا بھی اسی کیس میں ملزم ہیں۔ حالانکہ سپریم کورٹ نے انہیں پیشگی ضمانت دے دی تھی۔
![Follow us on Google News](https://jadeedbharat.com/wp-content/uploads/2024/01/GoogleNews.png)