وزیر اعظم نریندر مودی نے چودھری چرن سنگھ کے یوم پیدائش پر خراج عقیدت پیش کیا

نئی دہلی، 23 دسمبر (یو این آئی) وزیر اعظم نریندر مودی نے سابق وزیر اعظم بھارت رتن چودھری چرن سنگھ کے یوم پیدائش پر انہيں خراج عقیدت پیش کیا مسٹر نریندر مودی نے منگل کے روز کہا کہ چودھری چرن سنگھ نے اپنی زندگی سماج کے پسماندہ طبقات کی فلاح و بہبود کے ساتھ ساتھ زراعت کی ترقی اور کسانوں کی خوشحالی کے لئے وقف کر دی۔ احسان مند قوم ملک کی تعمیر میں ان کے کردار کو کبھی فراموش نہیں کر سکتی ہے۔وزیر اعظم نے سوشل میڈیا پلیٹ فارم ایکس پر ایک پوسٹ میں لکھا، “سابق وزیر اعظم بھارت رتن چودھری چرن سنگھ کے یوم پیدائش پر خراج عقیدت۔ انہوں نے اپنی زندگی سماج کے پسماندہ طبقوں کی فلاح و بہبود کے ساتھ ساتھ زراعت کی ترقی اور کسانوں کی خوشحالی کے لیے وقف کر دی۔ احسان مند قوم ان کے تعاون کو کبھی نہیں بھول سکتی ہے۔”چودھری چرن سنگھ ملک کے پانچویں اور دوسرے غیر کانگریسی وزیر اعظم تھے۔ وہ 28 جولائی 1979 سے 14 جنوری 1980 تک ملک کے وزیر اعظم کے عہدے پر فائز رہے۔ فروری 2024 میں انہیں پس از مرگ بھارت رتن سے نوازنے کا اعلان کیا گیا۔