بی جے پی کے کئی وزرائے اعلیٰ اور مرکزی وزیر جھارکھنڈ میں ِگدھ کی طرح منڈلارہے ہیں: ہیمنت سورین
جدید بھارت نیوز سروس
چترا، 5 نومبر:۔ ریاستی وزیر اعلیٰ اور جھارکھنڈ مکتی مورچہ کے ایگزیکٹو صدر ہیمنت سورین منگل کو ایک روزہ دورے پر چترا ضلع کے ٹنڈوا پہونچے۔ جہاں کارکنوں نے ان کا شاندار استقبال کیا اور مبارکباد دی۔ اس دوران وزیر اعلیٰ نے ٹنڈوا کے مویشی میلہ میدان میں منعقدہ جلسہ عام سے خطاب کرتے ہوئے سماریہ اسمبلی حلقہ سے جے ایم ایم کے امیدوار منوج چندرا کے حق میں مہم چلائی۔ اس دوران انہوں نے گزشتہ 5 سالوں میں حکومت کی کامیابیوں کا ذکر کرتے ہوئے کہا کہ ریاستی حکومت کسانوں کے قرض معافی سے لے کر گھریلو بجلی کے بلوں کی معافی اور خواتین اور بیٹیوں کے احترام کے لیے کام کر رہی ہے۔ وزیر اعلیٰ ہیمنت سورین نے کہا کہ ایک طرف ریاستی حکومت جھارکھنڈ کے غریبوں اور قبائلی دلتوں کے لیے لڑ رہی ہے۔ دوسری طرف اپوزیشن بی جے پی تحقیقاتی ایجنسیوں کو آگے لاکر اور جیل بھیج کر مجھے اور میری حکومت کو غیر مستحکم کرنے کے لیے طرح طرح کی سازشیں کر رہی ہے۔ انہوں نے کہا کہ اگر ان کا دل مطمئن نہیں ہے تو بی جے پی والے خاندانی لڑائی پیدا کر رہے ہیں۔
