National

لوک سبھا انتخاب 2024: کانگریس نے 57 امیدواروں پر مشتمل تیسری فہرست جاری کی، مہاراشٹر کی بھی کئی سیٹیں شامل

52views

لوک سبھا انتخاب کو لے کر جاری سرگرمیوں کے درمیان کانگریس نے مختلف ریاستوں میں پارلیمانی سیٹوں کے لیے اپنے امیدواروں کی تازہ فہرست جاری کر دی ہے۔ کانگریس کی اس تیسری فہرست میں اروناچل پردیش، گجرات، کرناٹک، مہاراشٹر، راجستھان، تلنگانہ، مغربی بنگال اور پڈوچیری کی مجموعی طور پر 57 سیٹوں کے لیے امیدواروں کا اعلان کیا گیا ہے۔

کانگریس نے جو فہرست جاری کی ہے اس کے مطابق اروناچل پردیش کی 2، گجرات کی 11، کرناٹک کی 17، مہاراشٹر کی 7، راجستھان کی 6، تلنگانہ کی 5، مغربی بنگال کی 8 اور پڈوچیری کی 1 سیٹ شامل ہے۔ پارٹی نے اروناچل پردیش ویسٹ سیٹ سے نابام تکی اور اروناچل پردیش ایسٹ سیٹ سے بوسی رام سیرم کو انتخابی میدان میں اتارا ہے۔ پڈوچیری سیٹ سے ویتھی لنگم کو موقع دیا گیا ہے۔

اگر کچھ اہم سیٹوں پر نظر ڈالیں تو کانگریس نے گجرات کی گاندھی نگر سیٹ سے امت شاہ کے سامنے سونل پٹیل کو ٹکٹ دیا ہے، جبکہ کرناٹک کی گلبرگہ سیٹ سے ملکارجن کھڑگے کے داماد رادھا کرشن کو امیدوار بنایا گیا ہے۔ مغربی بنگال کی بہرام پور سیٹ سے ادھیر رنجن چودھری کو اور کولکاتا شمال سے پردیپ بھٹاچاریہ کو موقع دیا گیا ہے۔

واضح رہے کہ لوک سبھا انتخاب کے پیش نظر کانگریس اس سے قبل امیدواروں کی دو فہرست جاری کر چکی ہے۔ پہلی فہرست میں 39 اور دوسری فہرست میں 43 امیدواروں کا اعلان کیا گیا تھا۔ اب تیسری فہرست جاری ہونے کے بعد مجموعی طور پر 139 امیدواروں کے نام سامنے آ گئے ہیں۔ نیچے دیکھیے کانگریس کی تیسری فہرست میں شامل سبھی سیٹ اور اس سے کھڑے ہونے والے امیدواروں کے نام…

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.