National

کسان تحریک: دہلی کوچ پر آج فیصلہ کریں گے کسان، مرکزی وزیر مذاکرات کے لیے تیار

31views

نئی دہلی: کسان اپنے مطالبات کے لیے پنجاب کے شمبھو اور کھنوری سرحد پر گزشتہ 16 دنوں سے احتجاج کر رہے ہیں۔ کسان مزدور سنگھرش سمیتی اور سنیوکت کسان مورچہ (غیر سیاسی) کا مشترکہ اجلاس منعقد ہوا، جس میں فیصلہ کیا گیا کہ دہلی مارچ کا حتمی فیصلہ جمعرات کو لیا جائے گا۔

دہلی میں تیزی سے پھیل رہا ہے پیٹ کا فلو، بچے اور بوڑھے ہو رہے ہیں شکار!

شوبھکرن کی موت کے معاملے میں پنجاب پولیس نے پٹیالہ کے پاتڑاں پولیس اسٹیشن میں نامعلوم لوگوں کے خلاف قتل کا مقدمہ درج کیا ہے۔ کسانوں اور اہل خانہ کے راضی ہونے کے بعد شوبھکرن کی لاش کا پوسٹ مارٹم رات 11 بجے کیا گیا۔ میت کو صبح کھنوری بارڈر لے جایا جائے گا۔ وہاں خراج عقیدت پیش کرنے کے بعد آبائی گاؤں میں آخری رسومات ادا کی جائیں گی۔

موسم کا حال: دہلی-این سی آر، یوپی، بہار سمیت کئی ریاستوں میں آندھی و بارش کا امکان، انتباہ جاری

اس سے پہلے، کسان شوبھکرن کی آخری رسومات ادا نہ کرنے پر اٹل تھے جب تک کہ ہریانہ پولیس اور وزیر داخلہ انل وج کے خلاف ایف آئی آر درج نہیں کی جاتی۔ دوسری جانب کانگریس نے پنجاب اور راجستھان میں کسانوں کی حمایت میں مظاہرہ کیا۔ پنجاب میں کئی مقامات پر ٹریکٹر ریلیاں نکالی گئیں۔

مغربی بنگال: سندیش خالی تشدد کیس میں ٹی ایم سی رہنما شاہجہاں شیخ گرفتار

مرکزی وزیر زراعت ارجن منڈا نے کہا کہ حکومت احتجاج کرنے والے کسانوں کے ساتھ مذاکرات کے لیے تیار ہے۔ وہ انڈین کونسل آف ایگریکلچرل ریسرچ (آئی سی ایم آر) سوسائٹی کی سالانہ جنرل میٹنگ کے موقع پر بات کر رہے تھے۔ یاد رہے کہ اب تک مرکزی حکومت اور کسانوں کے درمیان چار دور کے مذاکرات ہو چکے ہیں لیکن کوئی حل نہیں نکلا ہے۔ کسان فصلوں کی کم از کم امدادی قیمت کی قانونی ضمانت سمیت مختلف مطالبات پر دہلی مارچ پر اٹل ہیں۔

Follow us on Google News