وندے بھارت ٹرین اب ٹاٹا سے وارانسی تک چلے گی

رانچی: حال ہی میں ریلوے نے ٹاٹا تا ہاوڑہ روٹ پر جمشید پور کے لوگوں کو وندے بھارت کا تحفہ دیا تھا۔ اب ریلوے جمشید پور کے لوگوں کو ایک اور وندے بھارت تحفہ دینے جا رہا ہے۔ ہندوستانی ریلوے نے وندے بھارت کو ٹاٹا نگر سے وارانسی تک چلانے کا فیصلہ کیا ہے۔ اس کا ٹائم ٹیبل بھی جاری کر دیا گیا ہے۔ جلد ہی اس روٹ پر ٹرائل رن کیا جائے گا۔ اس کے بعد تاریخ کا اعلان کیا جائے گا۔ جاری کردہ ٹائم ٹیبل کے مطابق، یہ ٹرین ٹاٹا نگر سے کھلے گی اور پرولیا، بوکارو اسٹیل سٹی، گیا اور پنڈت دین دیال اپادھیائے جنکشن پر رکے گی۔ اس کی دیکھ بھال صرف ٹاٹا نگر اسٹیشن پر کی جائے گی۔ اس میں کل 8 کوچز ہوں گے۔ یہ ٹرین ہفتے میں 7 دن چلے گی۔ یہ ٹرین ٹاٹا نگر سے صبح 6.00 بجے روانہ ہوگی اور 7.50 گھنٹے میں 574 کلومیٹر کا فاصلہ طے کرکے دوپہر 1.50 بجے وارانسی پہنچے گی۔ وارانسی سے یہ ٹرین دوپہر 2.35 بجے روانہ ہوگی اور رات 10 بجے ٹاٹا نگر پہنچے گی۔ فی الحال اس ٹرین کا کرایہ طے نہیں ہوا ہے۔