ایڈیشنل کلکٹر کی صدارت میں ریونیو سے متعلق کاموں کا جائزہ منعقد

جدید بھارت نیوز سروس
رام گڑھ، 5؍ دسمبر: ایڈیشنل کلکٹر کماری گیتانجلی کی صدارت میں ریونیو سے متعلق کاموں کا جائزہ اجلاس منعقد ہوا۔ میٹنگ میں موجود زونل افسران کو ہدایت دیتے ہوئے انہوں نے ریونیو سے متعلق دیئے گئے اہداف کو کسی بھی قیمت پر مکمل کرنے کی ہدایت کی۔انہوں نے موجود زونل افسران کو ہدایت کی کہ وہ زیر التواء پروجیکٹوں، انفراسٹرکچر اور کوئلہ پروجیکٹ کے اراضی سے متعلق معاملات کو جلد از جلد مکمل کریں۔ اس موقع پر ایڈیشنل کلکٹر کماری گیتانجلی کے ساتھ سب ڈیویژنل آفیسر انوراگ کمار تیواری، لینڈ ریفارمس سب کلکٹر دیپتی پرینکا کجور، سرکل آفیسر کشوری یادو، سرکل آفیسر رام گڑھ رمیش کمار، سرکل آفیسر پتراتو منوج چورسیا،بلاک ڈیولپمنٹ آفیسر گولا سیتارام مہتو، بلاک ڈیولپمنٹ آفیسر چترپور دیپک منج، ویدانت کمار وغیرہ خاص طور پر موجود تھے۔