ہیمنت حکومت نے میّاں سمّان اسکیم کیلئے رقم جاری کر دی

چھ ماہ تک فنڈ کی کوئی کمی نہیں ہوگی؛ وقت پر ملے گی امداد

جدید بھارت نیوز سروس
رانچی، 23 مئی :۔ جھارکھنڈ حکومت کی مہتواکانکشی ’میّاں سمّان یوجنا‘ کے تحت مستحق خواتین کے لیے بڑی خوشخبری سامنے آئی ہے۔ اب ان خواتین کو رقم کی تاخیر یا الاٹمنٹ کے مسئلے میں پریشان ہونے کی ضرورت نہیں ہوگی۔ حکومت نے ایک ساتھ چھ مہینوں کی رقم کا الاٹمنٹ جاری کر دیا ہے، جس کے بعد ستمبر تک مستحقین کو وقت پر رقم ملتی رہے گی۔
رقم کی ادائیگی جلد
ذرائع کے مطابق، مئی کی زیر التوا رقم اس ماہ کے آخر یا جون کے پہلے ہفتے تک ادا کر دی جائے گی۔ اسی طرح، جون کی قسط بھی اسی مہینے کے وسط یا آخر تک مستفید خواتین کے بینک اکاؤنٹس میں منتقل کر دی جائے گی۔ واضح رہے کہ میّاں سمّان یوجنا کے تحت ریاست کی مستحق خواتین کو ہر ماہ2500 روپے کی مالی امداد دی جاتی ہے تاکہ وہ اپنی بنیادی ضروریات پوری کر سکیں اور خود کفیل بن سکیں۔
فہرست میں کمی کا امکان
سرکاری ذرائع کا کہنا ہے کہ مستقبل میں یوجنا کے مستحقین کی تعداد میں کمی ہو سکتی ہے۔ حکومت نے تمام ضلعی انتظامیہ کو ہدایت دی ہے کہ وہ ایسی خواتین جن کا تعلق سہولتمند یا خوشحال خاندانوں سے ہے، انہیں فہرست سے خارج کر دیا جائے۔ اس کے بعد امکان ہے کہ کئی موجودہ مستفید خواتین کا نام اس فہرست سے ہٹا دیا جائے گا۔
یوجنا کا مقصد
میّاں سمّان یوجنا کا بنیادی مقصد ریاست کی ضرورت مند اور کمزور مالی حالت والی خواتین کو ماہانہ مالی مدد فراہم کرنا ہے تاکہ وہ خود مختار بن سکیں اور زندگی کی بنیادی ضروریات پوری کر سکیں۔اب جبکہ حکومت نے چھ ماہ کی ایڈوانس رقم کی منظوری دے دی ہے، اس سے مستحق خواتین کو بروقت امداد حاصل ہوگی اور اسکیم کا فائدہ مؤثر طریقے سے پہنچے گا۔