رانچی پولیس کا تعلیمی ادارے اور ہسپتال پر چھاپہ

جدید بھارت نیوز سروس
رانچی، 5 نومبر:۔ رانچی پولیس کی ٹیم منگل کی صبح سے ہی تعلیمی اداروں اور ہسپتالوں پر چھاپے مار رہی ہے۔ پولیس ٹیم نے YBN یونیورسٹی، نامکم تھانہ علاقے میں واقع کلاوتی ہسپتال اور اس ادارے کے ڈائریکٹر کی رہائش گاہ پر چھاپہ مارا ہے۔ معلومات کے مطابق رانچی پولیس نے یہ چھاپہ پیسے رکھنے کی اطلاع پر مارا ہے۔ تاہم چھاپے کے دوران کیا برآمد ہوا اس بارے میں ابھی تک کوئی سرکاری اطلاع جاری نہیں کی گئی ہے۔ قابل ذکر ہے کہ اس سے قبل رانچی پولیس نے ایک تعلیمی ادارے پر چھاپہ مار کر ایک کروڑ روپے سے زیادہ کی رقم برآمد کی تھی۔