رانچی پولیس نے سائبر فراڈ میں ملوث تین نوجوانوں کو گرفتار کیا

جدید بھارت نیوز سروس
رانچی، 10 جنوری:۔ رانچی پولیس نے سائبر فراڈ میں ملوث تین نوجوانوں کو گرفتار کیا ہے۔ ایس ایس پی چندن سنہا کو ملنے والی خفیہ اطلاع کی بنیاد پر سٹی ایس پی راجکمار مہتا کی قیادت میں پولیس ٹیم نے کارروائی کی اور کھیلا گاوں تھانہ علاقہ کے پرٹول گاؤں میں ایک زیر تعمیر مکان سے تین سائبر مجرموں کو گرفتار کیا۔ جس میں منرنجن کمار، نکو کمار اور اکھلیش کمار شامل ہیں۔ ان کے قبضے سے چھ موبائل فون، مختلف بینکوں کے نو اے ٹی ایم کارڈ، جعلی بینک اکاؤنٹ کی چیک بک اور ایک کار برآمد ہوئی۔ یہ لوگ ریلائنس فائنانس کمپنی کے نام پر قرض دے کر اور مختلف قسم کے ایپس جیسے ڈاکٹر اپوائنٹمنٹ، بینک کسٹمر کیئر، فلپ کارٹ کسٹمر کیئر وغیرہ بنا کر سائبر فراڈ کرتے تھے۔ سٹی ایس پی راجکمار مہتا نے جمعہ کو ایک پریس کانفرنس میں یہ جانکاری دی۔