جدید بھارت نیوز سروس
رانچی، 5نومبر: کانگریس لیڈر اور پورنیہ کے رکن پارلیمنٹ پپو یادو نے منگل کو ہٹیا اسمبلی حلقہ میں گرینڈ الائنس کے امیدوار اجے ناتھ شاہ دیو کے حق میں مہم چلائی۔ رکن پارلیمنٹ پپو یادو نے ہٹیا، جگن ناتھ پور، سیکٹر 2 مارکیٹ، پنچ مکھی مندر، ڈورنڈا میں منعقد نوکڑ سبھا اور پدیاترا کے ذریعے عوام سے اجے ناتھ شاہدیو کے حق میں ووٹ دینے کی اپیل کی۔ پپو یادو نے کہا کہ ہیمنت سورین کو ریاست میں ایک بار پھر وزیر اعلیٰ بنانا ہے اور اجے ناتھ شاہدیو کو ہٹیا سے جتانا ہے۔ انہوں نے کہا کہ ہٹیا کے لوگ اجے ناتھ شاہ دیو کے حق میں متحد ہیں۔ ہمیں معاشرے کے تمام طبقوں سے تعاون مل رہا ہے۔ یہی نہیں ریاست میں مکمل اکثریت کے ساتھ گرینڈ الائنس کی حکومت بننے جا رہی ہے۔ بی جے پی پر حملہ کرتے ہوئے انہوں نے کہا کہ مرکز کی بی جے پی حکومت سپریم کورٹ کے حکم کے بعد بھی ریاست کو 1 لاکھ 36 ہزار کروڑ روپے نہیں دے رہی ہے۔ بی جے پی کی نظر ریاست کے پانی، جنگلات اور زمین پر ہے۔ سہارا کے معاملے پر بی جے پی لیڈر بھی جھوٹ بول رہے ہیں۔ وہ سہارا کے سرمایہ کاروں کے پیسے کی واپسی کا مطالبہ لوک سبھا میں اٹھائیں گے۔
ایم پی پپو یادو نے ہٹیا میں اجے ناتھ شاہدیو کے حق میں مہم چلائی
