رکن اسمبلی سمیر موہنتی نے بہراگوڑا میں ’سرکار آپ کے دوار‘ کا افتتاح کیا

جدید بھارت نیوز سروس
جمشیدپور، 21 نومبر:۔ بہارگوڑہ بلاک کے گوپال پور پنچایت میں جمعہ کو ’’آپ کی اسکیم، آپ کی حکومت آپ کے دروازے پر‘‘ پروگرام کے تحت ایک کیمپ کا انعقاد کیا گیا۔ مقامی لوگوں کا ایک بڑا ہجوم مختلف سرکاری فلاحی اسکیموں سے فائدہ اٹھانے کے لیے پنچایت بھون میں جمع ہوا۔ دن بھر کے پروگرام کے دوران سینکڑوں لوگوں نے موقع پر ہی استفادہ حاصل کیا جس سے گاؤں والوں کے چہروں پر مسکراہٹ آگئی۔ مقامی ایم ایل اے سمیر موہنتی نے چراغ جلا کر کیمپ کا افتتاح کیا۔ بلاک اور علاقہ کے سینئر عہدیدار بھی موجود تھے۔ ایم ایل اے نے کہا کہ یہ پروگرام حکومت کے ارادوں کو عملی جامہ پہنا رہا ہے۔ حکومت کا مقصد یہ ہے کہ لوگوں کو اسکیموں کا فائدہ حاصل کرنے کے لیے اب دفاتر نہیں جانا پڑے گا۔ حکومت خود ان کے گاؤں، ان کی دہلیز پر پہنچ رہی ہے۔