جے اے سی نے انٹرمیڈیٹ امتحانی فارم بھرنے کی تاریخ جاری کی

رانچی: جھارکھنڈ اکیڈمک کونسل (جے اے سی) نے انٹرمیڈیٹ امتحانی فارم بھرنے کی تاریخ جاری کر دی ہے۔ 28 نومبر سے 12 دسمبر تک بغیر جرمانے کے فارم بھرے جا سکتے ہیں۔ 13 دسمبر سے 20 دسمبر تک امتحانی فارم تاخیر سے بھرے جائیں گے۔ آپ کو بتاتے چلیں کہ بورڈ کی جانب سے میٹرک اور انٹرمیڈیٹ بورڈ کے امتحانات کی تاریخوں کا اعلان کر دیا گیا ہے، امتحانات 6 فروری 2024 سے شروع ہوں گے جو 26 فروری تک جاری رہیں گے۔

درخواست جمع کرانے کے لیے اسکولوں اور کالجوں کی جانب سے طلبہ کو ایک فارم دستیاب کرایا جائے گا۔ طلباء کو بغیر کسی غلطی کے فارم پُر کرکے اسکولوں میں جمع کرانا ہوگا۔ اس کے بعد اسے اسکولوں اور کالجوں کے ذریعے آن لائن کیا جائے گا۔ واضح رہے کہ میٹرک کے امتحان کے لیے درخواست کا عمل 16 نومبر سے شروع ہو چکا ہے۔ فارم بغیر کسی تاخیر کے 2 دسمبر تک بھرے جائیں گے۔ 3 دسمبر سے 9 دسمبر تک تاخیر سے جرمانے کے ساتھ درخواستیں دی جا سکتی ہیں۔