حفیظ الحسن اور چننا سنگھ کی شاندار فتح پرپُرجوش مبارکباد

جدید بھارت نیوز سروس
مدھوپور، 25 نومبر: کانگریس کے ریاستی سکریٹری فیاض قیصر نے مدھو پور کے نو منتخب ایم ایل اے حفیظ الحسن اور سارٹھ کے نو منتخب ایم ایل اے ادے شنکر عرف چننا سنگھ کو گرمجوشی سے مبارکباد دی ہے۔ انہوں نے دونوں ایم ایل اے کا ہار پہنا کر شاندار استقبال کیا جس کی وجہ سے ماحول جوش و خروش سے بھر گیا۔ اس تاریخی موقع پر پورنیہ کے ایم پی راجیش رنجن عرف پپو یادو بھی موجود تھے، ان کی موجودگی نے ماحول کو مزید پروقار بنا دیا۔ یہ اعزاز نہ صرف کانگریس کے اتحاد اور جوش کی علامت بن گیا بلکہ علاقائی سیاست میں تعاون اور کامیابی کا ایک نیا باب بھی رقم کیا۔