کہا: رانچی کے دو اسمبلی حلقوں میں مجموعی طور پر 72.01 فیصد ووٹنگ ہوئی
جدید بھارت نیوز سروس
رانچی، 20نومبر: رانچی ضلع کے دو اسمبلی حلقوں سلی اور کھجری میں اسمبلی انتخابات 2024 کے دوسرے مرحلے میں ووٹنگ کی مدت ختم ہونے کے بعد ضلع الیکشن آفیسر-کم-ڈپٹی کمشنر، رانچی ورون رنجن اور سینئرسپرنٹنڈنٹ آف پولیس، رانچی، چندن کمار سنہا نے ایک پریس کانفرنس کا انعقاد کیا۔ پریس کانفرنس میں دونوں اسمبلی حلقوں میں ووٹنگ فیصد کے بارے میں جانکاری ضلع الیکشن آفیسر مسٹر ورون رنجن نے شام 5:00 بجے دی۔ انہوں نے بتایا کہ شام 5 بجے تک سلی میں 76.7 فیصد اور کھجری میں 69.2 فیصد ووٹنگ ہوئی، دونوں اسمبلی حلقوں میں ووٹنگ کا فیصد 72.01 رہا۔ ضلع انتخابی افسر مسٹر ورون رنجن نے ووٹنگ کے دوسرے مرحلے کے تحت انتخابی ضابطہ اخلاق کی خلاف ورزی، سائبر کرائم کے تحت انتخابی ضابطہ اخلاق کی خلاف ورزی اور بوتھس پر ووٹنگ کے عمل میں خلل ڈالنے کے نتیجے میں ای وی ایم کی تبدیلی وغیرہ کے بارے میں جانکاری دی۔ ضلع میں پرامن ووٹنگ کے بعد ضلع انتخابی افسر مسٹر ورون رنجن اور سینئر سپرنٹنڈنٹ آف پولیس، رانچی مسٹر چندن کمار سنہا نے رانچی کے ووٹروں کے ساتھ ساتھ انتخابی کام میں مصروف پولس-انتظامی افسران؍ عملے اور میڈیا کے عملے کا شکریہ ادا کیا۔
