ڈی سی نے کیا ای وی ایم ویئر ہاؤس کا ماہانہ معائنہ

جدید بھارت نیوز سروس
پلاموں ،28؍اپریل: ڈی سی دلیپ پرتاپ سنگھ شیخاوت نے آج ای وی ایم ویئر ہاؤس کا ماہانہ معائنہ کیا۔ اس دوران انہوں نے ویئر ہاؤس کا طبعی مشاہدہ کرنے کے ساتھ ساتھ سیکیورٹی سے متعلق ضروری پہلوؤں، سی سی ٹی وی اور دیگر آلات کی صورتحال اور دیکھ بھال وغیرہ کی جانچ کی۔ انہوں نے پورے احاطے کا دورہ کر کے صورتحال کا جائزہ لیا اور بجلی کے نظام، بیلٹ یونٹ ہال، آگ بجھانے کے انتظامات، کمروں کی سیلنگ، ڈبل لاک کی صورتحال اور الیکشن کمیشن کے مقررہ دیگر معیاروں کا معائنہ کر کے ضروری ہدایات دیں۔ اس موقع پر ڈپٹی الیکشن آفیسر پریتی کسکو بھی موجود تھیں۔