جدید بھارت نیوز سروس
رانچی، 13 نومبر:۔ ریاست کے وزیر اعلیٰ ہیمنت سورین اپنی اہلیہ کلپنا سورین کے ساتھ رانچی کے ہٹیا اسمبلی حلقہ کے ہرمو کے سینٹ فرانسس اسکول میں ووٹ ڈالنے پہنچے۔ انہوں نے سینٹ فرانسس اسکول، ہرمو کے بوتھ نمبر 290 میں ووٹ ڈالا۔ اس کے علاوہ پارٹی کے کئی لوگ ہیمنت سورین کے ساتھ پہنچے تھے۔ تاہم اس سے پہلے بھی ہیمنت سورین نے سوشل میڈیا پر لوگوں سے ووٹ ڈالنے کی اپیل کی تھی۔ ووٹنگ کے بعد میڈیا سے بات کرتے ہوئے وزیر اعلیٰ نے کہا کہ پورے جھارکھنڈ میں جوش و خروش کا ماحول ہے۔ جمہوریت کو مضبوط کرنے کے لیے سب کو ووٹ دینا چاہیے۔ ووٹ ہمارا حق ہے۔ جھارکھنڈ میں انڈیا کی پوزیشن مضبوط ہے۔ اتحاد کا پرچم لہرائے گا۔
وزیر اعلیٰ ہیمنت اور کلپنا سورین نے ووٹ دیا
