باوری نے راج بھون کے سامنے ہڑتال پر بیٹھے سابق فوجیوں اور پنچایت رضاکاروں کا مسئلہ اٹھایا

رانچی: جھارکھنڈ اسمبلی کے سرمائی اجلاس کے تیسرے دن اپوزیشن لیڈر امر باؤری نے ایوان میں راج بھون کے سامنے ہڑتال پر بیٹھے سابق فوجی پودانا بالموچو اور پنچایت رضاکاروں کا مسئلہ اٹھایا۔ انہوں نے کہا کہ یہ لوگ اپنے مطالبات کو لے کر شدید سردی میں راج بھون کے سامنے ہڑتال پر بیٹھے ہیں، لیکن حکومت ان کی کوئی پرواہ نہیں کر رہی ہے۔ اس پر وزیر عالمگیر عالم نے کہا کہ سابق فوجی کے معاملے میں مکمل معلومات نہیں ہیں۔ اس کا پتہ لگانے کے بعد معاملے کو حل کرنے کی کوشش کی جائے گی۔ پنچایت رضاکاروں کے معاملے میں کہا گیا کہ پچھلی حکومت نے ایک بلاک میں چار لوگوں کو بحال کیا تھا۔ بلاکس میں اس کا کوئی ریکارڈ نہیں ہے۔ حکومت ان کو ریگولرائز کرنے کے بارے میں سوچ رہی ہے۔