جرائم پیشہ افراد کی فائرنگ سے کوئلہ تاجر دوران علاج جاں بحق

رانچی: ضلع کے رتو تھانہ علاقے میں واقع آستھا پورم میں بائیک پر سوار دو مجرموں نے کوئلہ کے ایک تاجر کو گولی مار دی۔ اس فائرنگ میں تاجر ابھیشیک سریواستو شدید زخمی ہو گئے۔ مقامی لوگوں نے جلدی میں ابھیشیک سریواستو کو میڈیکا اسپتال میں داخل کرایا، جہاں علاج کے دوران اس کی موت ہوگئی۔ واقعہ کی اطلاع ملتے ہی پولیس موقع پر پہنچ گئی اور معاملے کی تفتیش شروع کردی۔ معلومات کے مطابق، ابھیشیک سریواستو ایک فارچیونر کار میں گھر سے پیپروار کول سائڈنگ کی طرف جا رہے تھے۔ اسی دوران آستھا پورم کے قریب مجرموں نے اسے نشانہ بنایا اور گولی مار دی اور وہاں سے فرار ہوگئے۔