امریکہ کی ہندوستان کو نئی دہلی دھماکوں کی تحقیقات میں مدد کی پیشکش : مارکو روبیو

واشنگٹن، 13 نومبر (یو این آئی) امریکی وزیر خارجہ مارکو روبیو نے کہا ہے کہ ہندوستان کو نئی دہلی میں دھماکے کی تحقیقات میں مدد کی پیشکش کی ہے لیکن ہندوستان خود اچھی تحقیقات کی صلاحیت رکھتا ہے، ہندوستان کو ہماری مدد کی ضرورت نہیں۔

اونٹاریو کینیڈا میں جی سیون اجلاس کے بعد گفتگو میں مارکو روبیو نے کہا کہ سعودی ولی عہد کے دورہ واشنگٹن میں اچھے معاہدوں پر دستخط ہوں گے۔انہوں نے بتایا کہ محمد بن سلمان اگلے ہفتے دورہ واشنگٹن میں صدر ٹرمپ سے ملاقات کریں گے۔مارکو روبیو نے کہا کہ معاہدوں سے متعلق کچھ چیزیں ہیں جن کو حتمی شکل دینے کی ضرورت ہے۔