اسد حکومت کے خاتمے کے بعد سے دو لاکھ 70 ہزار پناہ گزینوں کی وطن واپسی

دمشق، 8 فروری (یو این آئی) 8 دسمبر 2024 کو شام میں بشار الاسد کی حکومت کے خاتمے کے بعد سے دو لاکھ 70 ہزار پناہ گزین اپنے ملک لوٹ گئے ہیں۔ اقوام متحدہ کے ہائی کمشنر برائے مہاجرین کے شام کے نمائندے گونزالو وارگاس لوسا نے X پر شامی مہاجرین کی ان کے ملک میں واپسی کے حوالے سے ایک پوسٹ شیئر کی۔پناہ گزینوں کی واپسی کے بارے میں اپنے تازہ ترین سروے کے اعداد و شمار کا اشتراک کرتے ہوئے، لوسا نے کہا، “اسد حکومت کے خاتمے کے بعد سے، 270,000 شامی پناہ گزین اپنے ملک واپس جا چکے ہیں، اور پناہ گزینوں کی ایک بڑی تعداد آئندہ سال واپس جانے کا ارادہ رکھتے ہیں۔”لوسا نے اس بات پر زور دیا کہ ایک چوتھائی سے زیادہ شامی پناہ گزین اگلے 12 ماہ کے اندر اپنی زندگیوں کی تعمیر نو کے لیے واپس آنے کا ارادہ رکھتے ہیں۔لوسا نے نوٹ کیا کہ واپسی میں سب سے بڑی رکاوٹوں میں موجودہ رہائش اور جائیداد کے حقوق، سیکورٹی، بنیادی خدمات تک رسائی اور معاشی مشکلات کے خدشات شامل ہیں، اور اس بات پر زور دیا کہ 60 فیصد سے زیادہ پناہ گزینوں نے کہا کہ وہ واپسی کا حتمی فیصلہ کرنے سے پہلے شام جا کر جائزہ لینا چاہتے ہیں۔