برطانیہ ایران میں مداخلت سے باز رہے: لارڈ قربان

لندن، 13 جنوری (یو این آئی) برطانوی دارلامرا کے رکن لارڈ قربان نے کہا ہے کہ برطانیہ ایران میں مداخلت سے باز رہے۔
لارڈ قربان حسین نے پارلیمنٹ میں خطاب کرتے ہوئے کہا کہ ایرانی عوام مزاحمت کرنا جانتے ہیں، ایرانی عوام نے بادشاہ کا تختہ الٹا دیا تھا، اگر وہ موجودہ حکومت سے تنگ ہیں تو وہ اسے ہٹا سکتے ہیں۔انھوں نے کہا کہ ایرانی عوام نے بادشاہ کو ملک سے بھاگنے پر مجبور کر دیا تھا، ایرانی عوام میں حکومت تبدیل کرنے کی صلاحیت ہے، ایرانی عوام کو کسی بیرونی مداخلت کی ضرورت نہیں ہے۔دریں اثنا، حکومتی بنچ سے متعلقہ ایک وزیر نے کہا کہ برطانیہ ایران کے حوالے سے حالات پر نظر رکھے ہوئے ہے۔
واضح رہے کہ امریکہ میں مقیم انسانی حقوق کی کارکنوں کی خبر رساں ایجنسی کے مطابق ایران میں احتجاج میں ہلاک ہونے والے افراد کی تعداد 646 ہو گئی ہے۔ ہلاک ہونے والوں میں سے 512 مظاہرین تھے اور 134 سیکیورٹی فورس کے ممبر تھے۔غیر سرکاری تنظیم نے بتایا کہ گرفتاری کے بعد 10،700 سے زیادہ افراد کو جیلوں میں منتقل کر دیا گیا ہے۔ زیادہ تر متاثرہ افراد براہ راست گولہ بارود یا پیلٹ کی بندوق کی فائرنگ کے ذریعہ ہلاک ہوئے تھے، زیادہ تر قریب سے۔ایران میں انٹرنیٹ کی بندش کی وجہ سے، ہونے والے مظاہروں کا اندازہ بیرون ملک سے لگانا زیادہ مشکل ہو گیا ہے، ایران کی حکومت نے مجموعی اعداد و شمار جاری نہیں کی۔