سڈنی دہشت گرد حملے میں باپ اور بیٹا ملوث ہیں: پولیس چیف

سڈنی، 15 دسمبر (یو این آئی) آسٹریلیا کے شہر سڈنی میں فائرنگ سے ہلاک ہونے والے افراد کی تعداد 16 ہوگئی، سڈنی واقعے کے ہلاک شدگان میں ایک بچہ بھی شامل ہے۔آسٹریلوی میڈیا رپورٹ کے مطابق ہلاک ہونے والے بچے نے دوران علاج اسپتال میں دم توڑا، پولیس نے مزید ملزمان کی تلاش ختم کرنے کا اعلان کردیا۔آسٹریلیا کے شہر سڈنی میں بونڈائی بیچ پر فائرنگ سے ہلاک ہومنے والے افراد کی تعداد 16 ہوگئی ہے، 2 پولیس اہلکاروں اور حملہ آور سمیت 40 زخمی اسپتال میں زیر علاج ہیں۔،حملہ آوروں کی گاڑی سے دھماکہ خیز مواد بھی برآمد کیا گیا ہے، آسٹریلوی اور برطانوی میڈیا کے مطابق ایک حملہ آور کی شناخت سڈنی کے رہائشی نوید اکرم کے نام سے ہوئی ہے۔سڈنی میں ایک حملہ آور کو احمد نامی مسلمان شخص نے دبوچ کر گرایا، اسلحہ چھیننے کی کوشش میں احمد زخمی بھی ہوا جو اس وقت اسپتال میں زیرعلاج ہے۔میڈیا رپورٹس کے مطابق واقعہ ایسے وقت پیش آیا جب ساحل پر یہودی تہوار منانے کے لیے دو ہزار سے زائد افراد جمع تھے۔ فائرنگ سے افراتفری پھیل گئی۔سڈنی واقعے کے فوری بعد پولیس نے علاقے کا محاصرہ کرلیا اور وہاں موجود لوگوں کی محفوظ منتقلی یقینی بنائی، دہشت گرد حملے میں ملوث دونوں شوٹر باپ بیٹا تھے جن کی عمریں 50اور 24 سال تھیں۔آسٹریلوی میڈیا کے مطابق ایک حملہ آور کو موقع پر موجود ایک بہادر شہری نے اپنی جان پر کھیل کر قابو میں کرلیا اور حملہ آور سے اس کا اسلحہ چھین کر کئی لوگوں کی جانیں بچالیں۔احمد الاحمد نامی شخص دو بچوں کا باپ ہے، حملہ آور کو روکنے والے بہادر احمد کو بھی بازو پر دو گولیاں لگیں، جو اب اسپتال میں زیر علاج ہے، تاہم اب اس کی حالت خطرے سے باہر بتائی جارہی ہے۔
آسٹریلوی پولیس کا کہنا ہے کہ سڈنی دہشت گرد حملے میں ملوث دونوں شوٹر باپ بیٹا تھے جن کی عمریں 50اور 24 سال تھیں، عوام سے اپیل ہے کہ وہ پرامن رہیں۔نیو ساؤتھ ویلز کے پولیس کمشنر مال لینون نے پریس بریفنگ میں بتایا ہے کہ شوٹنگ کی تحقیقات میں تیزی سے چیزیں سامنے آرہی ہیں اور پولیس کو اب مزید حملہ آوروں کی تلاش نہیں۔انہوں نے تصدیق کی کہ 50 سالہ شخص جائے وقوع پر ہلاک ہوگیا جبکہ اس کا 24 سالہ بیٹا جو کہ دوسرا حملہ آور ہے، تشویشناک حالت میں اسپتال میں زیرعلاج ہے۔پولیس کے مطابق مرنے والے حملہ آور کے پاس اسلحے کا لائسنس تھا اور اس کے پاس 6 آتشیں اسلحے تھے، واقعہ کی تحقیقات جاری ہیں۔دوسری جانب وزیراعظم البانیز کا کہنا ہے کہ حملہ آور 2 ہی تھے، کسی تیسرے ملزم کی تلاش میں نہیں،ہماری سرزمین پر دہشت گردی کا بدترین واقعہ تھا۔میڈیا رپورٹس کے مطابق واقعہ ایسے وقت پیش آیا جب ساحل پر یہودی تہوار منانے کے لیے دو ہزار سے زائد افراد جمع تھے۔ فائرنگ سے افراتفری پھیل گئی۔ آنہوں نے کہا کہ دہشت گردی کا حملہ خالصتاً شیطانی عمل ہے اور ایک ایسا حملہ تھا جس میں جان بوجھ کر یہودی کمیونٹی کو نشانہ بنانے کی منصوبہ بندی کی گئی۔

ہر دن یہودی نیویارکرز کی حفاظت کے لیے کام کروں گا

نیویارک، 15 دسمبر (یو این آئی) نیویارک کے نو منتخب میئر زہران ممدانی نے سڈنی حملے کی مذمت کرتے ہوئے کہا ہے کہ دہشت گردانہ کارروائی انتہائی مکروہ عمل ہے اور جب میں میئر بنوں گا تو ہر دن یہودی نیویارکرز کی حفاظت کے لیے کام کروں گا۔ایکس پر اپنے پیغام میں زہران ممدانی نے کہا آج سڈنی میں حنوکہ کی تقریب کے دوران ہونے والاحملہ یہود دشمن دہشت گردی کی ایک نہایت گھناؤنی کارروائی تھی، میں اُن افراد کے لیے سوگوار ہوں جو اس میں قتل کیے گئے۔میئر نیویارک نے لکھا اگرچہ ہم ابھی تمام حقائق سامنے آنے کے منتظر ہیں، مگر جو کچھ اب تک معلوم ہو چکا ہے وہ دل دہلا دینے والا ہے، ہلاک ہونے والوں میں ربی ایلی شلانگر بھی شامل ہیں جن کے کراؤن ہائٹس سے گہرے تعلقات تھے، روشنیوں کا تہوار انتہائی دردناک طور پر اندھیرے کے دن میں بدل گیا۔انھوں نے کہا یہ حملہ دنیا بھر میں یہودیوں کے خلاف بڑھتے ہوئے تشدد کے ایک مسلسل اور خوفناک سلسلے کی تازہ ترین مثال ہے، بہت سے لوگ اب خود کو محفوظ محسوس نہیں کرتے، نہ اپنی شناخت کے ساتھ جینے میں، نہ کھلے عام اپنے ایمان کے اظہار میں اور نہ ہی بغیر مسلح سیکیورٹی کے اپنی عبادت گاہوں میں عبادت کرنے میں۔زہران نے کہا جب میں میئر بنوں گا تو ہر دن یہودی نیویارکرز کی حفاظت کے لیے کام کروں گا، یہ مقصد ہر نیویارکر کا مشترکہ مقصد ہونا چاہیے اور ہمیں اس ہول ناک تشدد کو ماضی کا حصہ بنا دینا چاہیے۔

بروسیلز، 15 دسمبر (یو این آئی) یورپی یونین کی خارجہ پالیسی کی سربراہ کاجا کالاس نے خبردار کیا ہے کہ اگرچہ یوکرین کو سیکیورٹی کی ضمانتیں مل بھی جائیں، لیکن روس کی طرف سے حقیقی رعایتیں نہ ملنے سے کہیں اور نئی جنگیں شروع ہوسکتی ہیں۔جمعہ کو اطالوی روزنامہ کورئیری ڈیلا سیرا کو دیے گئے ایک انٹرویو میں، کالاس نے کہا کہ روس-یوکرین جنگ کے خاتمے کے لیے پائیدار حل تب تک ممکن نہیں جب تک روس اپنا رویہ تبدیل نہ کرے اور اپنی فوجی طاقت پر ٹھوس حدود قبول نہ کرے۔انہوں نے کہا کہ امن کا مسئلہ روس ہے اگرچہ یوکرین کو سلامتی کی ضمانتیں مل گئیں، لیکن روس کی طرف سے کوئی رعایت نہ ہیں، تو ہمارے پاس دیگر نئی جنگوں کا امکان قوی ہے۔انہوں نے نشاندہی کی کہ اگرچہ یورپی یونین امن کی طرف سفارتی تحریک کی تجدید کا خیرمقدم کرتا ہے، جس میں امریکی انتظامیہ کی کوششیں بھی شامل ہیں، کیلاس نے کہا کہ روس جنگ روکنے کے لیے کوئی “حقیقی آمادگی” نہیں دکھاتا۔کالاس کے مطابق، جنگ بندی کسی بھی قابل اعتبار معاہدے کی طرف پہلا قدم ہونی چاہیے اور مستقبل کے تنازعات کو روکنے کے لیے یہ یقینی بنانا ضروری ہے کہ روس نئی جنگیں شروع نہ کر سکے۔انہوں نے کہا کہ پائیدار امن کے لیے، ہمیں یقینی بنانا ہوگا کہ روس دوبارہ حملہ نہ کرے۔ ہمیں روس سے رعایتیں درکار ہیں، چاہے اس کا مطلب ان کی فوج کو محدود کرنا ہو یا ان کے فوجی بجٹ کو محدود کرنا۔کالاس نے یورپی یونین کے مضبوط موقف کو دہرایا کہ “یوکرینی زمین پر قبضے کی کوئی رعایت نہیں ہونی چاہیے اور نہ ہی تسلیم کیا جانا چاہیے”، اور زور دیا کہ سرحدیں طاقت کے ذریعے تبدیل نہیں کی جا سکتیں۔انہوں نے مزید کہا کہ اور یورپی سلامتی کے ڈھانچے میں ایسے کوئی نکات نہیں ہونے چاہئیں جو روس کو براہ راست چھُوٹ دیں،”یوکرین کے 2027 تک یورپی یونین میں شمولیت کے امکان پر بات کرتے ہوئے، کالاس نے کہا کہ شمولیت ایک میرٹ پر مبنی عمل ہے جو رکن ممالک طے کرتے ہیں، لیکن انہوں نے تسلیم کیا کہ امریکی حمایت سیاسی رکاوٹوں کو دور کرنے میں مدد دے سکتی ہے۔انہوں نے کہا کہ یہ تجویز اس ملک کے لیے ایک اچھا اشارہ ہے جو یوکرین کی پیش رفت کو روک رہا ہے، ایک ایسا ملک جو امریکہ (ہنگری) کے لیے بہت دوستانہ ہے: امریکہ کی حمایت انہیں اپنا ویٹو ختم کرنے پر قائل کر سکتی ہے۔

بیجنگ، 15 گسمبر (یو این آئی) چین کے وزیر خارجہ وانگ ژی کی ریاض میں سعودی ولی عہد شہزادہ محمد بن سلمان سے ملاقات ہوئی، جس میں تعلقات کو مزید فروغ دینے کے طریقوں کا جائزہ لیا گیا۔ملاقات میں باہمی دلچسپی، علاقائی اور بین الاقوامی صورتحال پر بھی گفتگو ہوئی۔علاوہ ازیں چینی وزیر خارجہ کی سعودی ہم منصب سے بھی ملاقات ہوئی۔اس موقع پر سفارتی تعلقات اور خصوصی پاسپورٹ رکھنے والوں کے داخلے سے باہمی استثنیٰ کے معاہدے پر دستخط کیے گئے۔

دمشق کی تدمر حملے کی شدید مذمت کی، امریکہ کی جواب دینے کی دھمکی دی

دمشق 15 دسمبر (ایجنسی) شام کے صدر احمد الشرع نے امریکی صدر ڈونالڈ ٹرمپ کو تدمر میں امریکی فوجیوں کی ایک دہشت گردانہ حملے میں ہلاکت پر گہرے دکھ اور افسوس کا اظہار کیا ہے۔صدر الشرع نے اپنے پیغام میں اس افسوسناک واقعے کی شدید مذمت کی اور دمشق کی طرف سے سکیورٹی اور حفاظت برقرار رکھنے، شام اور خطے میں استحکام کو فروغ دینے کے عزم کا اعادہ کیا۔گذشتہ ہفتے امریکی صدر نے کہا تھا کہ تدمر پر حملہ جس میں امریکی اور شامی فوجی شترکہ معائنہ کے دوران نشانہ بنے کا ہرصورت میں جواب دیا جائے گا۔
تباہ کن نقصان پہنچانے کی دھمکی
صدر ٹرمپ نے مزید کہا کہ جو بھی امریکی فورسز پر حملہ کرے گا اسے بھاری نقصان پہنچایا جائے گا۔اس کے ساتھ انہوں نے وائٹ ہاؤس سے خطاب کرتے ہوئے کہا کہ شامی حکومت نے امریکی فورسز کے ساتھ مل کر حملے کو روکنے کی کوشش کی۔ادھر شام میں امریکہ کے خصوصی ایلچی تھامس بریک نے تدمر حملے پر اپنے رد عمل میں کہا کہ تدمر حملہ داعش کے خطرے کے تسلسل کو ظاہر کرتا ہے۔انہوں نے “ایکس” پر جاری پیغام میں کہا کہ امریکی منصوبہ شام کو محدود عملی امریکی مدد کے ساتھ داعش کا تعاقب کرنے کے قابل بنانا ہے۔ داعش کے حملے شام کی طرف سے مسلسل دباؤ کے جواب میں آ رہے ہیں جس میں امریکی تعاون شامل ہے۔انہوں نے کہا کہ شام میں امریکی محدود فوجی موجودگی امریکہ کو بڑے خطرات سے بچانے میں مددگار ہے ۔ امریکی صدر ڈونالڈ ٹرمپ تدمر پر حملے کا ہر قیمت پر جواب دینے کا عزم رکھتے ہیں۔
دمشق اور واشنگٹن کے بیانات
اسی دوران شامی وزارت خارجہ نے کہا کہ وزیر خارجہ اسعد الشیبانی نے اپنے امریکی ہم منصب مارکو روبیو کو فون پر بتایا کہ تدمر حملہ تعلقات کو کمزور کرنے کی کوشش ہے۔بیان میں مزید کہا گیا کہ روبیو نے تدمر حملے کو دہشت گردی کے خلاف نیا چیلنج قرار دیا اور الشیبانی کو شام کے ساتھ دہشت گردی کے خلاف تعاون کی اہمیت سے آگاہ کیا۔شامی وزارت خارجہ نے کہا کہ امریکی وزیر خارجہ نے شامی حکومت کی حمایت جاری رکھنے کی یقین دہانی کرائی۔
دہشت گردانہ حملہ
امریکی مشرق وسطیٰ کمانڈ “سینٹکام” نے کہا کہ حملہ آور اور دو امریکی فوجی ، ان کا ایک مترجم ہلاک اور تین فوجی زخمی ہوئے۔ یہ گروپ تدمر میں داعش کے خلاف جاری کارروائیوں کے سلسلے میں موجود تھا۔ دمشق نے بھی حملے کو دہشت گردانہ قرار دیا اور امریکی حکومت و عوام سے تعزیت کا اظہار کیا۔یاد رہے کہ دمشق نے گزشتہ ماہ صدر احمد الشرع کی واشنگٹن آمد کے دوران باضابطہ طور پر بین الاقوامی اتحاد میں شمولیت اختیار کی تھی۔امریکی فوجی زیادہ تر شمال مشرقی شام میں کردوں کے زیر قبضہ علاقوں میں تعینات ہیں۔ اس کے علاوہ اردن کی سرحد کے قریب التنف بیس میں بھی موجود ہیں، جہاں واشنگٹن کا کہنا ہے کہ ان کی موجودگی داعش کے خلاف ہے۔