![](https://jadeedbharat.com/wp-content/uploads/2024/06/modi_pope-7OWRg9-750x450.jpeg)
اپولیا (اٹلی): وزیر اعظم نریندر مودی نے جمعہ کو اٹلی میں جی 7 کے موقع پر پوپ فرانسس سے ملاقات کی۔ اس دوران انہوں نے پوپ کو گرمجوشی سے گلے لگایا اور پوپ فرانسس کو ہندوستان آنے کی دعوت بھی دی۔
وزیر اعظم مودی نے ایکس پر ایک پوسٹ میں کہا، ’’جی 7 سربراہی اجلاس کے موقع پر پوپ فرانسس سے ملاقات ہوئی۔ میں لوگوں کی خدمت کرنے اور دنیا کو بہتر بنانے کے لیے ان کے عزم کی تعریف کرتا ہوں۔‘‘
PM Modi meets Pope Francis at G7 Summit!
Prime Minister @narendramodi hugs and greets Pope Francis at G7 Summit in Italy@PMOIndia | @Pontifex | #G7Summit pic.twitter.com/aMAwJkH0qo
— DD News (@DDNewslive) June 14, 2024
انہوں نے پوپ کو ہندوستان آنے کی دعوت بھی دی۔ واضح رہے کہ پوپ صحت کے مسائل کے باعث وہیل چیئر استعمال کر رہے ہیں۔
وزیر اعظم نے پوپ کے ساتھ ایکس میں اپنی ملاقات کی کچھ تصاویر شیئر کی ہیں، جس میں پوپ مسکراتے ہوئے پی ایم مودی کا استقبال کر رہے ہیں اور ہندوستانی وزیر اعظم سے گلے ملنے کے لیے اپنے بازو بڑھاتے ہوئے نظر آ رہے ہیں۔ اس کے بعد دونوں نے گرم جوشی سے ایک دوسرے کو گلے لگایا۔
وزیر اعظم مودی کی پوپ سے یہ دوسری ملاقات ہے۔ اس سے قبل پی ایم مودی نے اکتوبر 2021 میں ویٹیکن کے اپوسٹولک پیلس میں ایک نجی تقریب کے دوران پوپ فرانسس سے ملاقات کی تھی۔
وزیر اعظم کے دفتر (پی ایم او) کے مطابق، ہندوستان اور ہولی سی (ویٹیکن میں کیتھولک چرچ کی حکومت) کے درمیان 1948 میں سفارتی تعلقات کے قیام کے بعد سے دوستانہ تعلقات ہیں۔ ہندوستان، ایشیا میں دوسری سب سے بڑی کیتھولک آبادی والا ملک ہونے کے ناطے، اگلے سال پوپ کا دورہ متوقع ہے۔
(یو این آئی ان پٹ کے ساتھ)
![Follow us on Google News](https://jadeedbharat.com/wp-content/uploads/2024/01/GoogleNews.png)