’دور سے لوگ سمجھتے ہیں کہ یہ مرکھوا بیل ہے قریب آکر سمجھتے ہیں کہ ہم دودھ دینے والی گائے ہیں ‘:راج بھر
سہیل دیو بھارتیہ سماج پارٹی (سبھا ایس پی) لوک سبھا انتخابات 2024 کے لئے اتر پردیش میں بی جے پی کے اتحادی کے طورپر مقابلہ کر رہی ہے اور این ڈی اے نے یوپی کی 80 سیٹوں میں سے سبھا ایس پی کو صرف ایک سیٹ دی ہے۔ این ڈی اے نے سبھاایس پی کو گھوسی لوک سبھا سیٹ سے ٹکٹ دیا ہے جسے مختار انصاری کا گڑھ سمجھا جاتا ہے۔ ایسے میں سہیل دیو بھارتیہ سماج پارٹی کے سپریمو اوم پرکاش راج بھر انتخابی مہم میں مصروف ہیں۔ وہ انتخابات میں اپنی پارٹی اور این ڈی اے کے امیدواروں کے لیے بڑے پیمانے پر مہم چلا رہے ہیں۔ اسی سلسلے میں کل یعنی منگل 30 اپریل کو مؤ میں کارکنوں سے خطاب کرتے ہوئے انہوں نے خود کو دودھ دینے والی گائے بتایا۔
وزیر او پی راج بھر نے یہ بیان مؤ شہر کے ایک جلسے میں کارکنوں سے خطاب کرتے ہوئے دیا۔ انہوں نے کہا، ’’دور سے لوگ مجھے مرکھوہ بیل سمجھتے ہیں، جب تک کوئی میرے قریب نہیں آتا، جب کوئی قریب آتا ہے تو میں میں اسےدودھ دینے والی گائے کی طرح نظر آنے لگتا ہوں۔‘‘ وزیر اوم پرکاش راج بھر نے اسٹیج سے کارکنوں سے خطاب کرتے ہوئے یہ بیان دیا۔
او پی راج بھر نے خود کو اسٹیج سے دودھ دینے والی گائے بتایا ہے۔ اسٹیج سے ان کا کہنا یہ تھا کہ جب تک لوگ انہیں قریب سے نہیں ملتے، وہ انہیں بیل سمجھتے ہیں، لیکن جب وہ ان سامنےسے اور قریب سے ملتے ہیں، تو وہ انہیں دودھ دینے والی گائے نظر آنے لگتے ہیں۔
اوم پرکاش راج بھر مؤ میں مسلم ووٹروں سے خطاب کر رہے تھے جہاں انہوں نے کہا کہ’ جو درد آپ کا ہے وہ ہمارا بھی درد ہے۔ ہم بی جے پی کے پھولوں پر الیکشن نہیں لڑ رہے ہیں، ہم چھڑی پر الیکشن لڑ رہے ہیں۔ ڈاکٹر بھیم راؤ امبیڈکر نے کہا ہے کہ سیاسی طاقت اصل طاقت کی چابی ہے۔ ہم کمل جے پھول پر نہیں لڑ رہے ہیں ہم چھڑی پر لڑ رہے ہیں۔‘
یوپی میں سبھا ایس پی بی جے پی کے ساتھ ہاتھ ملا کر الیکشن لڑ رہی ہے۔ این ڈی اے نے سبھاایس پی کو صرف ایک ٹکٹ دیا ہے۔ سبھاایس پی سپریمو او پی راج بھر کے بڑے بیٹے اروند راج بھر گھوسی سیٹ سے الیکشن لڑیں گے۔ 2019 کے انتخابات میں بی ایس پی امیدوار اتل رائے نے گھوسی سیٹ سے کامیابی حاصل کی تھی۔ مودی لہر میں بھی بی جے پی اس سیٹ پر جیت درج نہیں کر سکی۔ گھوسی سیٹ پر ساتویں مرحلے میں یکم جون کو ووٹنگ ہوگی۔
