15views
کانگریس کیلئے کشمیر میں انتخابی مہم چلائی
جدید بھارت نیوز سروس
رانچی؍کشمیر، 14ستمبر: جموں و کشمیر کے اسمبلی انتخابی مہم کے دوران سابق ایم پی فرقان انصاری نےدورو اسمبلی میں کانگریس اتحاد کے امیدوار غلام احمد میر کے لیے عوامی رابطہ کیا۔ دورو اسمبلی کے مختلف گاؤں میں عوام سے ملاقات کی اور راہل گاندھی کا پیغام عام لوگوں تک پہنچایا۔ انہوں نے کشمیر کے لوگوں سے کانگریس کے حق میں ووٹ دینے کی درخواست کرتے ہوئے کوکرناگ، ویریناگ اور اچھول میں اجتماع سے خطاب کرتے ہوئے کہا کہ کانگریس پارٹی کشمیری عوام کا درد جانتی ہے۔ انہیں جن مسائل کا سامنا ہے ان سے صرف کانگریس پارٹی ہی نکال سکتی ہے۔ تشدد کے خلاف راہل کی محبت کی دکان جلد کشمیر میں نظر آئے گی۔یہاں کے امن پسند لوگ کانگریس کو جیت دلانے کے لیے تیار ہیں، راہل گاندھی کے امن اور ہم آہنگی کے پیغام میں لوگوں کا پیار اور اعتماد بڑھتا جا رہا ہے۔
