رانچی، 8 اکتوبر:۔ جھارکھنڈ کے وزیر اعلیٰ ہیمنت سورین کی والدہ روپی سورین کی طبیعت بگڑ گئی۔ اس کے بعد انہیں علاج کے لیے رانچی کے باریاتو کے ہل ویو ہسپتال میں داخل کرایا گیا ہے۔ ماں ڈاکٹروں کی نگرانی میں زیر علاج ہے۔ بتایا جا رہا ہے کہ سی ایم کی والدہ کو سانس لینے میں تکلیف ہو رہی تھی۔ ہسپتال کے ڈاکٹر نے بتایا کہ انہیں یہ مسئلہ سینے میں انفیکشن کی وجہ سے ہوا ہے۔ تاہم گھبرانے کی ضرورت نہیں ہے۔ صورتحال قابو میں ہے۔ آپ کو بتاتے چلیں کہ اس سے پہلے ہیمنت سورین کے والد اور جھارکھنڈ مکتی مورچہ (جے ایم ایم) کے صدر شیبو سورین کی صحت نئی دہلی میں بگڑ گئی تھی۔ اس کے بعد انہیں سر گنگارام ہسپتال میں داخل کرایا گیا۔ معلومات کے مطابق، شیبو سورین کو پہلے جنرل چیک اپ کے لیے ہسپتال لے جایا گیا، جہاں ڈاکٹروں نے انھیں داخل کرنے کے لیے کہا۔ وزیر اعلیٰ کے والد ہر چند ماہ بعد سر گنگارام ہسپتال میں چیک اپ کے لیے جاتے ہیں۔
