24 سے زائد طلباء زخمی
جدید بھارت نیوز سروس
رانچی، 21 دسمبر: رائزنگ پبلک اسکول کی بس، جو کوڈرما کے چندواڑہ سے اسکولی بچوں کے ساتھ تعلیمی سفر پر رانچی ضلع کے ہندرو فال کی سیر کے لیے آرہی تھی، سنیچر کو حادثے کا شکار ہوگئی۔ یہ حادثہ انگڈا بلاک کے سکدری میں ہنڈرو فال سے تقریباً تین کلومیٹر پہلے پیش آیا، جس میں 24 سے زائد بچے زخمی ہوئے۔ گاؤں والوں کی مدد سے پولیس نے تمام زخمی بچوں کو ہسپتال بھیج دیا، جہاں ان کا علاج چل رہا ہے۔ موصولہ اطلاعات کے مطابق بس سکدیری میں موڑ پر کنٹرول کھو بیٹھی اور الٹ گئی۔ حادثے کے بعد چیخ و پکار مچ گئی۔ گاؤں والوں کی مدد سے بچوں کو بس سے باہر نکالا گیا۔ اطلاع ملتے ہی تھانہ سکدری پولیس بھی موقع پر پہنچ گئی اور امدادی کارروائیاں شروع کر دیں۔ رائزنگ پبلک اسکول، چندواڑہ کے بچے تعلیمی سفر کے لیے رانچی کے لیے روانہ ہوئے تھے۔ بچوں کو ہندرو فال اور سائنس سٹی کا دورہ کرنا تھا۔ حادثے کے بعد اسکول کے اساتذہ اور مقامی لوگوں نے خوفزدہ بچوں کی دیکھ بھال شروع کردی۔ زخمیوں کو میڈانتا ہسپتال بھیجا گیا اور باقی طلباء کو سڑک کے کنارے بیٹھا دیا گیا۔
