آندھرا پردیش کے وزیر اعلیٰ کی شکل میں اپنی حلف برداری سے ایک دن قبل ٹی ڈی پی سپریمو این چندربابو نائیڈو نے اعلان کر دیا ہے کہ آندھرا کی صرف ایک راجدھانی ہوگی، اور وہ ہے امراوتی۔ منگل کے روز چندربابو نائیڈو نے ٹی ڈی پی، بی جے پی اور جَن سینا کے اراکین اسمبلی کی مشترکہ میٹنگ کو خطاب کرتے ہوئے یہ اعلان کیا۔ میٹنگ میں انھیں اتفاق رائے سے آندھرا پردیش قانون ساز اسمبلی میں این ڈی اے کا لیڈر منتخب کیا گیا۔ اس کے بعد نائیڈو نے کہا کہ ’’ہماری حکومت میں تین راجدھانیوں کی آڑ میں کوئی کھیل نہیں ہوگا۔ ہماری راجدھانی امراوتی ہی رہے گی۔‘‘

آندھرا پردیش: چندربابو نائیڈو وزیر اعلیٰ عہدہ کے امیدوار منتخب، حلف برداری کل، پی ایم مودی بھی ہوں گے شریک

قابل ذکر ہے کہ 19-2014 کے دوران منقسم آندھرا پردیش کے پہلے وزیر اعلیٰ کی شکل میں چندربابو نائیڈو نے امراوَتی کو راجدھانی بنانے کا مشورہ سامنے رکھا تھا۔ لیکن نائیڈو کی اس تجویز کو 2019 میں اس وقت شدید جھٹکا لگا جب ٹی ڈی پی اقتدار سے باہر ہو گئی اور وائی ایس جگن موہن ریڈی کی قیادت والی وائی ایس آر سی پی نے شاندار جیت حاصل کر اقتدار پر قبضہ کر لیا تھا۔

’کتھنی اور کرنی میں فرق کو نریندر مودی کہتے ہیں‘، مودی کابینہ میں اقربا پروری دیکھ کر راہل گاندھی نے کیا حملہ

ریڈی نے امراوتی کو راجدھانی بنانے سے متعلق نائیڈو کے منصوبہ پر پانی پھیر دیا اور انھوں نے تین راجدھانیوں کا نیا اصول پیش کر دیا۔ اس کے مطابق وشاکھاپٹنم کو انتظامی، امراوَتی کو قانون ساز اور کرنول کو عدالتی راجدھانی بنانے کا فیصلہ لیا گیا تھا۔ اس سلسلے میں کچھ قانونی پیچیدگیاں بھی سامنے آئی تھیں۔ لیکن اب نائیڈو نے اس اصول کی جگہ ایک راجدھانی کے فیصلے کو ترجیح دی ہے۔ انھوں نے صاف کر دیا ہے کہ ان کی حکومت میں تین راجدھانیوں کی آڑ میں کوئی کھیل نہیں ہوگا، اور ایک راجدھانی جو ہوگی وہ امراوَتی ہے۔

مراٹھا ریزرویشن کے لیے اپنی پانچویں غیر معینہ بھوک ہڑتال کے چوتھے دن شیوبا تنظیم کے سربراہ منوج جرانگے پاٹل کی طبیعت خراب ہو گئی لیکن انہوں نے علاج کرانے سے انکار کر دیا۔ ایک معاون نے بتایا کہ ایک طبی ٹیم نے جرانگے پاٹل کا معائنہ کیا اور پتہ چلا کہ وہ کمزوری، لو بلڈ پریشر، کم وزن اور دیگر بیماریوں میں مبتلا تھے۔

عوام نے مودی حکومت کو وہ جواب دیا کہ دوسروں کی کرسیاں ادھار لے کر اقتدار سنبھالنا پڑا! ملکارجن کھڑگے

تاہم، انہوں نے کوئی دوا لینے سے انکار کر دیا ہے اور کہا ہے کہ جب تک حکومت مراٹھا ریزرویشن پر ان کے مطالبات کو تسلیم نہیں کرتی، بھوک ہڑتال جاری رہے گی۔ منگل کو ان کا معائنہ کرنے والی سرکاری ہسپتال کی ٹیم کے ایک ڈاکٹر نے کہا کہ مراٹھا لیڈر کو فوری علاج کی ضرورت ہے، لیکن وہ علاج کرانے کے لیے تیار نہیں ہیں۔

حصص بازار پر مودی-شاہ کے بیانات: ٹی ایم سی رکن پارلیمنٹ ساکیت گوکھلے کا جانچ کا مطالبہ

جرانگے پاٹل نے میڈیا سے مختصر بات کرتے ہوئے کہا، ’’میرا انشن جاری رہے گا۔ کچھ لوگ تحریک کو کمزور کرنے کے لیے مراٹھوں سے بات کر رہے ہیں لیکن اس سے کچھ نہیں ہوگا۔ حکومت کو زیر التواء مطالبات کا فوری حل نکالنا چاہیے۔‘‘ وزیر مملکت چھگن بھجبل کے اس بیان کا جواب دیتے ہوئے کہ مراٹھا تحریک کا مہایوتی کے لوک سبھا انتخابات پر کوئی اثر نہیں پڑا، جرانگے پاٹل نے کہا، ’’تھوڑا اور انتظار کریں اور آپ کو پتہ چل جائے گا‘‘

مراد آباد میں ایک مسجد کے امام کا گولی مار کر قتل، جائے حادثہ سے غیر قانونی طمنچہ برآمد

قبل ازیں، شیوبا تنظیم کے لیڈر نے خبردار کیا تھا کہ اگر حکومت اپنے وعدوں کو پورا کرنے میں ناکام رہی تو وہ اکتوبر میں ہونے والے اسمبلی انتخابات کے لیے مہاراشٹر کی تمام 288 اسمبلی سیٹوں پر امیدوار کھڑے کریں گے۔ لوک سبھا انتخابات کے نتائج کے اعلان کے چار دن بعد، جرانگے پاٹل نے 8 جون کو اپنے آبائی گاؤں انتروالی-سرتی میں بھوک ہڑتال کے ساتھ اپنی نئی تحریک کا آغاز کیا۔

سپریم کورٹ نے ’نیٹ یو جی‘ کونسلنگ پر عبوری روک لگانے سے کیا انکار، اگلی سماعت 8 جولائی کو

اتر پردیش میں جرائم پر قابو کو لے کر چاہے جتنے بھی دعوے کیے جاتے ہوں، لیکن زمینی حقیقت اس سے بہت الگ ہے۔ تازہ مثال اتر پردیش کے مراد آباد واقع ایک مسجد میں امامت کرنے والے محمد اکرم کا قتل ہے جس نے علاقے میں دہشت کا ماحول پیدا کر دیا ہے۔ مراد آباد واقع کٹگھر کے بھینیسا گاؤں میں مولانا اکرم کا گولی مار کر گزشتہ شب قتل کر دیا گیا۔ اس کی اطلاع ملتے ہی پولیس کی ایک ٹیم جائے وقوع پر پہنچی اور لاش کو اپنے قبضے میں لے کر پوسٹ مارٹم کے لیے بھیج دیا۔

مولانا اکرم بھینسیا گاؤں کی بڑی مسجد میں امامت کرتے تھے۔ وہ رامپور کے رہنے والے تھے اور گزشتہ 15 سالوں سے بڑی مسجد میں امامت کی ذمہ داری نبھا رہے تھے۔ بھینیسا میں ہی انھوں نے گھر بھی بنا لیا تھا اور اپنی بیوی و 6 بچوں کے ساتھ رہتے تھے۔ پیر کی شب ان کو جرائم پیشوں نے سینے میں گولی مار دی اور فرار ہو گئے۔

مولانا اکرم کے اہل خانہ کا کہنا ہے کہ دیر رات انھیں کسی کا فون آیا تھا۔ انھیں کسی نے ملنے کے لیے بلایا تھا اور وہ اپنے گھر سے فون کرنے والے سے ملاقات کے لیے نکل گئے تھے۔ پھر ان کی کوئی خبر نہیں ملی۔ پولیس کو گاؤں کے ہی کھنڈر سے مولانا کی لاش برآمد ہوئی۔ پولیس کے ایک افسر نے بتایا کہ قتل سے متعلق ایف آئی آر درج کر لی گئی ہے۔ انھوں نے جلد ہی جرائم پیشوں کی گرفتاری کی یقین دہانی کرائی ہے۔

میڈیا رپورٹس کے مطابق امام کے قتل کی خبر جیسے ہی پھیلی، پورا گاؤں کھنڈر کے پاس اکٹھا ہو گیا۔ فوراً ہی پولیس کو اس سلسلے میں جانکاری دی گئی۔ ایس پی سمیت پولیس افسران بھی فوراً موقع پر پہنچے۔ پولیس کو جائے حادثہ سے کچھ دوری پر ایک طمنچہ ملا ہے جسے قبضے میں لے لیا گیا ہے۔ اس حادثہ سے متعلق پولیس نے مہلوک کی بیوی آمنہ سے پوچھ تاچھ کی ہے۔ گاؤں کے لوگوں کا کہنا ہے کہ مولانا اکرم کا گزشتہ 15 سال میں کسی سے کوئی جھگڑا نہیں ہوا، وہ کسی سے رنجش نہیں رکھتے تھے۔

اتر پردیش میں اس بار عیدالاضحیٰ کی نماز سڑکوں پر نہیں پڑھی جائے گی اور قربانی صرف مخصوص جگہوں پر ہی کی جا سکے گی۔ اس کے ساتھ ہی ممنوعہ جانوروں کی قربانی پر بھی نظر رکھی جائے گی۔ اس ضمن میں یوپی اقلیتی کمیشن نے ہدایات جاری کی ہیں۔

اتر پردیش سمیت پورے ملک میں 17 جون کو عیدالاضحیٰ کا تہوار ہے۔ اس کے حوالے سے واضح کیا گیا ہے کہ سڑکوں پر کسی بھی قسم کی نماز نہیں پڑھی جائے گی۔ اس کے ساتھ ہی جانوروں کی قربانی صرف مقررہ جگہوں پر ہوگی۔ اس کے لیے ریاستی اقلیتی کمیشن کے چیئرمین اشفاق سیفی نے ضروری کارروائی کے لیے محکمہ داخلہ اور محکمہ شہری ترقی کے پرنسپل سکریٹری کو خط لکھا ہے۔

نیوز پورٹل ’آج تک‘ کے مطابق یوپی اقلیتی کمیشن کے چیئرمین اشفاق سیفی کی جانب سے جاری ہدایت میں کہا گیا ہے کہ اس بار نماز کے لیے سڑکوں پر جگہ نہیں ہوگی۔ مساجد میں مختلف جماعتوں میں نماز ادا کی جائے گی۔ اس کے ساتھ ہی انتظامیہ کو آگاہ کیا گیا ہے کہ کسی قسم کی پریشانی نہ ہو۔ اس کے علاوہ ممنوعہ جانوروں کی قربانی پر کڑی نگرانی رکھنے کی ہدایات بھی دی گئی ہیں اور قربانی کی جگہوں کے حوالے سے بھی احکامات دیے گئے ہیں۔