جے ایم ایم میں بنٹی ببلی کا احترام اور شہیدوں کی اولاد کی توہین کی جاتی ہے: ہمنتا بسوا سرما
جدید بھارت نیوز سروس
رانچی، 28اکتوبر: بی جے پی کے ریاستی دفتر میں سوموار کو ایک میٹنگ کا اہتمام کیا گیا۔ اس موقع پر کانگریس کے سابق ورکنگ صدر مانس سنہا نے اپنے حامیوں کے ساتھ بھارتیہ جنتا پارٹی میں شمولیت اختیار کی۔ انہیں جھارکھنڈ بی جے پی کے شریک انتخابی انچارج ہمنتا بسوا سرما اور ریاستی صدر ڈاکٹر رویندر رائے نے پارٹی میں شامل کیا۔ اس موقع پر سبکدوش ہونے والے ریاستی صدر دیپک پرکاش بھی موجود تھے۔ اس موقع پر ہمنتا بسوا سرما نے کہا کہ کانگریس میں وقف کارکنوں کو اہمیت نہیں دی جاتی ہے۔ کانگریس میں ٹکٹ حاصل کرنے کی تین شرطیں ہیں۔ کارکن کے پاس بڑا گھر اور پیسہ ہونا چاہیے۔ اس کا تعلق ایک بڑے خاندان سے ہونا چاہیے اور وہ وزیر اعظم مودی کے خلاف بد زبانی کرنے والاہونا چاہئے۔ سرما نے کہا کہ جھارکھنڈ مکتی مورچہ میں بنٹی ببلی کی عزت کی جاتی ہے اور شہید کی اولاد کی توہین کی جاتی ہے۔ سرکاری اہلکار بھی اب جے ایم ایم حکومت کے خلاف بغاوت کر رہے ہیں۔ ہیمنت سورین تب تک افسران کا استعمال کرتے رہیں جب تک انہوںنے ساتھ دیا۔ آج جب افسران ان کے غلط کاموں کی مخالفت کر رہے ہیں تو وہ افسران کے خلاف کھڑے ہیں۔ اس موقع پر مانس سنہا نے کہا کہ وہ گزشتہ 27 سالوں سے کانگریس میں ہیں۔ کانگریس پارٹی میں اب وقف کارکنوں کی کوئی مانگ نہیں ہے۔ بھارتیہ جنتا پارٹی کارکنوں کو عزت دیتی ہے۔ بی جے پی میں شامل ہونے والوں میں 20 نکاتی بلاک کے صدر منصور انصاری، 20 نکاتی بلاک کے نائب صدر دیوچن پرساد یادو، گڑھوا ضلع سکریٹری اشرف انصاری سمیت اروند کمار یادو، حکیم الدین انصاری، آلوک کمار یادو، نویجام انصاری، شیلیش پرتاپ دیو، شیلیندر پرساد دیو، عرفان انصاری، اندرا دیو بیٹھا، اناز انصاری، بھولارام، منساف انصاری، پرمود پٹیل،نعیم الدین انصاری، سدھیر مہتا، صابر انصاری، روہت کمار مہتا، وکاس کمار چودھری، روشن مہتا،نعیم الدین انصاری، روشن کمار رجک، اندرا دیو بیٹھا، مختار انصاری، پربھات کمار چندرونشی، محفوظ انصاری،وکرم کمار یادو، صابر انصاری، وکاس بیٹھا، فیروز انصاری، منیش وشوکرما، شیام سندر بیٹھا، سنیل یادو، شیلیش بیٹھا، شمشاد انصاری، اجیت یادو، امریش رام، متھلیش کمار، رامانوج کمار، سدھانشو کمار یادو، رشبھ سریواستو بھی شامل ہیں۔
