جدید بھارت نیوز سروس رانچی، 17 اکتوبر:۔ مجرمانہ واردات کو انجام دینے سے پہلے چھ جرائم پیشہ کو گرفتار کیا گیا ہے۔ رانچی کے ایس ایس پی چندن سنہا کو موصول ہونے والی خفیہ اطلاع کی بنیاد پر پولیس ٹیم نے میسرا او پی علاقہ کے چٹو گاؤں سے چھ مجرموں کو گرفتار کیا۔ یہ تمام مجرم ڈکیتی کی وارداتیں کرنے والے تھے۔ اس سے پہلے پولیس نے اسے گرفتار کرلیا۔ گرفتار مجرموں میں ماسٹر مائنڈ وشی احمد عرف بسی احمد عرف ارمان، عمران انصاری عرف بدکو، آفتاب انصاری عرف رانچو، ستیم کمار مہتو عرف ستو، ارشد عالم عرف چھوٹکا اور سانو انصاری شامل ہیں۔ ایس ایس پی چندن سنہا نے جمعرات کی شام اپنے دفتر میں ایک پریس کانفرنس میں یہ جانکاری دی۔ ایس ایس پی نے بتایا کہ تمام مجرم چتو گاؤں میں اشرف انصاری کے گھر ڈکیتی کی منصوبہ بندی کر رہے تھے۔ لیکن پولیس کو اطلاع ملتے ہی تمام مجرموں کو گرفتار کر لیا گیا۔ پولیس نے اس کے پاس سے ایک دیسی ساختہ پستول، تین زندہ گولیاں، دو بائک اور 10,000 روپے کی نقدی برآمد کی ہے۔
