اسمبلی انتخابات 2024 کے پیش نظرچیف الیکٹورل آفیسر کے روی کمار نےرام گڑھ میں پولنگ اہلکاروں کو دی جارہی تربیت کا اچانک معائنہ کیا
جدید بھارت نیوز سروس رام گڑھ، 25اکتوبر: آنے والے اسمبلی عام انتخابات 2024 کے پیش نظر، جھارکھنڈ کے چیف الیکٹورل آفیسرکے روی کمار نے جمعہ کو گاندھی + 2 ہائی اسکول، رام گڑھ میں اسمبلی انتخابات کے لیے پولنگ اہلکاروں کو دی جارہی تربیت کا اچانک معائنہ کیا۔ معائنہ کے دوران جھارکھنڈ کے چیف الیکٹورل آفیسر کے روی کمار نے ٹریننگ ہال میں زیر تربیت اہلکاروں کے ساتھ میٹنگ کی۔ اس دوران تربیت حاصل کرنے والے تمام افسران اور پولنگ عملے کو تفصیل سے سنا گیا اور ٹریننگ کے دوران ہونے والی غلطیوں کو بھی دور کیا گیا۔ دریں اثناء چیف الیکٹورل آفیسر کے روی کمار نے سبھی کو ہدایت دی کہ وہ انتخابات کو کامیابی سے انجام دینے کے لیے بہتر تربیت حاصل کریں۔ اس دوران خاص طور پر ڈسٹرکٹ الیکشن آفیسر کم ڈپٹی کمشنر چندن کمار، ڈپٹی الیکشن آفیسر رویندر کمار گپتا، سپلائی آفیسر رنجیت ٹوپو اور دیگر افسران اور اہلکار اس موقع پر موجود تھے۔
