آدتیہ ٹھاکرے نے ٹی ڈی پی اور جنتا دل یو کو دیا ’خاص مشورہ‘، بی جے پی پر عائد کیا سنگین الزام

ایک طرف این ڈی اے حکومت سازی کی تیاریوں میں مصروف ہے، دوسری طرف بی جے پی مخالف پارٹیاں انڈیا بلاک کو مضبوط کرنے میں لگی ہوئی ہیں۔ کچھ لیڈران جنتا دل یو اور ٹی ڈی پی سے گزارش کر رہے ہیں کہ وہ این ڈی اے چھوڑ کر انڈیا بلاک میں شامل ہو جائیں اور ایک ایسی حکومت تشکیل دیں جو عوام کے حق میں کام کرے۔ شیوسینا (یو بی ٹی) لیڈر آدتیہ ٹھاکرے نے بھی اس تعلق سے اپنا نظریہ جنتا دل یو اور ٹی ڈی پی کے سامنے رکھا ہے۔

کنگنا کو تھپڑ مارنے کا معاملہ: اداکارہ نے خاتون کانسٹیبل کے خلاف ایف آئی آر درج نہیں کرائی

دراصل آدتیہ ٹھاکرے نے جمعہ کے روز سوشل میڈیا پر ایک پوسٹ کیا ہے جس میں لکھا ہے کہ مرکز میں این ڈی اے کی اگلی حکومت بنانے کے لیے ٹی ڈی پی اور جنتا دل یو کو لوک سبھا اسپیکر عہدہ حاصل کرنے پر زور دینا چاہیے۔ ’ایکس‘ پر ٹھاکرے نے دعویٰ کیا ہے کہ جس وقت بی جے پی حکومت بنائے گی، وہ اپنے ساتھیوں کی پارٹیوں کو توڑنے کی کوشش کرے گی۔ انھوں نے مزید کہا کہ این ڈی اے کے نئے ساتھیوں سے پرخلوص گزارش ہے کہ وہ لوک سبھا اسپیکر کا عہدہ طلب کریں۔

نریندر مودی این ڈی اے پارلیمانی پارٹی کے لیڈر منتخب

A humble suggestion to the possible allies of the bjp in the newly remembered NDA:

Get the post of the Speaker.

Having experienced the tactics of the bjp, the minute they form government with you, they will break the promises and try to break your parties too.

You’ll have…

— Aaditya Thackeray (@AUThackeray) June 7, 2024

اس درمیان آدتیہ ٹھاکرے نے بغیر نام لیے یہ بھی اشارہ دیا ہے کہ شیوسینا اور این سی پی کی طرح پھوٹ پڑ سکتی ہے۔ انھوں نے ’ایکس‘ پر ٹی ڈی پی اور جنتا دل یو کے ہینڈل کو ٹیگ کرتے ہوئے کہا کہ بی جے پی کے کارناموں کا تجربہ کرنے کے بعد، جیسے ہی وہ آپ کے ساتھ حکومت بنائیں گے، وہ وعدے توڑ دیں گے اور آپ کی پارٹیوں کو بھی توڑنے کی کوشش کریں گے۔ آپ نے پہلے بھی اس کا تجربہ کیا ہوگا۔