عبدالمجید انصاری نے ایڈووکیٹ ممتاز خان کو ریاستی اقلیتی مالیات اور ترقیاتی کارپوریشن کے ڈائرکٹر بننے پر مبارکباد دی
جدید بھارت نیوز سروس
رانچی،19؍جنوری: کانکے ضلع پریشد کے سابق ممبر نیز کوکدورو انجمن کمیٹی صدر عبدالمجید انصاری نے ایڈووکیٹ ممتاز خان کو جھارکھنڈ اسٹیٹ مائنوریٹی فائنانس اینڈ ڈیولپمنٹ کارپوریشن کا ڈائرکٹر بننے پر گلدستہ پیش کیا اور انہیں لمبی عمر کی مبارکباد دی۔ جھارکھنڈ میں اقلیتی برادریوں کے فائدے کے لیے اقلیتی برادریوں کی فلاح و بہبود اور معاشی ترقی کے لیے جھارکھنڈ ریاستی اقلیتی مالیاتی اور ترقیاتی کارپوریشن ریاستی سطح پر اقلیتی بہبود کی تنظیمیں ہیں۔ جھارکھنڈ حکومت نے ہفتہ کو ایک تحریری نوٹیفکیشن جاری کیا اور ایڈووکیٹ ممتاز خان کو ڈائریکٹر کے عہدے پر مقرر کیا۔ اس موقع پر خطاب کرتے ہوئے ایڈووکیٹ ممتاز خان نے کہا کہ میں وزیر اعلیٰ ہیمنت سورین اور وزیر حفیظ الحسن انصاری کا شکریہ ادا کرتا ہوں۔ انہوں نے کہا کہ کارپوریشن کا اہم کام سیلف ایمپلائمنٹ/تعلیم/آمدنی پیدا کرنے والی سرگرمیوں کے لیے ٹرم لون، ورکنگ کیپیٹل لون، ایجوکیشن لون اور دیگر قسم کی مالی امداد انتہائی رعایتی شرح سود پر فراہم کرنا ہے۔ قومی اقلیتی کمیشن ایکٹ 1992 کے مطابق مطلع شدہ تعداد میں مسلمان، عیسائی، سکھ، بدھسٹ، جین اور پارسی شامل ہیں۔ انہوں نے کہا کہ ہمارا بنیادی مقصد زیادہ سے زیادہ اقلیتی بچوں کو تعلیم دلانا اور انہیں تعلیم کے لیے قرضے فراہم کرنا اور شرح تعلیم میں اضافہ کرنا ہو گا۔ اس موقع پر سابق ضلع پریشد رکن عبدالمجید انصاری نے کہا کہ ممتاز خان کی جھارکھنڈ اسٹیٹ مائنوریٹی فائنانس اینڈ ڈیولپمنٹ کارپوریشن کے ڈائرکٹر کے طور پر تقرری سے ایک طرف شہر کے عوام کو حکومت کی اسکیموں کا فائدہ ملے گا وہیں دیہی علاقوں کے لوگ بھی حکومت کی اسکیموں سے مستفید ہوں گے، جھارکھنڈ ریاستی اقلیتی مالیاتی اور ترقیاتی کارپوریشن کے ڈائریکٹر کو حکومت کی اسکیموں کو دیہی علاقوں تک پہنچانے میں قابل ستائش تعاون کی توقع ہے۔
