بھارت جوڑو نیائے یاترا: ’سماجی انصاف کی بات ہوتی ہے تو پورا ملک بہار کی طرف دیکھتا ہے‘، کشن گنج میں راہل کا خطاب
![](https://jadeedbharat.com/wp-content/uploads/2024/01/Rahul_Gandhi_in_Kishanganj-Tcjwsz-750x450.jpeg)
کانگریس کے سابق صدر راہل گاندھی کی قیادت میں منی پور سے شروع ہوئی ’بھارت جوڑو نیائے یاترا‘ آج سولہویں دن جب مغربی بنگال سے بہار میں داخل ہوئی تو جگہ جگہ سڑک کنارے اور فلائی اوور پر کھڑے ہزاروں لوگوں نے ان کا شاندار استقبال کیا۔ گھروں کی چھتوں پر بھی بڑی تعداد میں لوگ دکھائی دیے جنھوں نے ہاتھ لہرا کر راہل گاندھی کو استقبالیہ پیش کیا۔ ہزاروں کی تعداد میں نوجوان اور بچے نعرہ لگاتے ہوئے یاترا کے ساتھ دوڑتے بھی نظر آئے جن کا جوش دیکھنے لائق تھا۔ پیر کے روز ’بھارت جوڑو نیائے یاترا‘ بہار کے کشن گنج اور ارریہ سے گزری۔ پورے راستے لوگوں سے ملی حمایت دیکھ کر راہل گاندھی بھی بہت خوش ہوئے۔
जय हो जनता ✊ pic.twitter.com/M3OtP8UIxh
— Congress (@INCIndia) January 29, 2024
راہل گاندھی نے کشن گنج واقع شہید اشفاق اللہ خان اسٹیڈیم میں جلسۂ عام سے بھی خطاب کیا۔ اس دوران انھوں نے کہا کہ سماجی انصاف اور معاشی انصاف کے بغیر ملک ترقی نہیں کر سکتا۔ یہ بات ہم بہار کی عوام کو بتانے آئے ہیں اور آپ کے دل میں اس کے بارے میں جو نظریہ ہے، جو سوچ ہے، اس کو بھی ہم سمجھنے آئے ہیں۔ کانگریس لیڈر نے کہا کہ ’’جب بھی ملک میں سماجی انصاف کی بات ہوئی ہے، بہار نے قیادت کی ہے۔ جب سماجی انصاف کی بات ہوتی ہے تو پورا ملک بہار کی طرف دیکھتا ہے۔ اس لیے معاشی و سماجی انصاف یقینی بنانا بہار کے ہر شہری کی ذمہ داری ہے۔ ملک کی ترقی کے لیے معاشی و سماجی انصاف کو بہار کی عوام سے بہتر کوئی نہیں سمجھتا ہے۔‘‘
बिहार की जनता ने #BharatJodoNyayYatra को अपने प्यार और आशीर्वाद से सराबोर कर दिया।
देशवासियों के न्याय के हक की यह लड़ाई हम पूरी ताकत से लड़ेंगे।
जनता को सामाजिक, आर्थिक और राजनीतिक न्याय का हक़ दिलाकर रहेंगे।
भारत जोड़ो न्याय यात्रा
न्याय का हक, मिलने तक ✊ pic.twitter.com/IiAYvNVdUM
— Congress (@INCIndia) January 29, 2024
راہل گاندھی نے اسٹیڈیم میں جمع ہزاروں افراد کی بھیڑ سے کہا کہ ’’اس یاترا میں کانگریس نے ’نیائے‘ (انصاف) لفظ جوڑ دیا ہے۔ آج کے ہندوستان میں غریب شخص کو معاشی و سماجی انصاف نہیں مل رہا ہے۔ آج معاشی و سماجی ناانصافیاں ہو رہی ہیں۔ اس وجہ سے ملک ترقی نہیں کر پا رہا۔ یہی وجہ ہے کہ کانگریس نے یاترا میں ’نیائے‘ لفظ جوڑا ہے۔‘‘ وہ مزید کہتے ہیں کہ ’’مودی حکومت زراعت اور مزدوری کرنے والوں کی مدد نہیں کرتی، ان کے لیے بینک کے دروازے بند رہتے ہیں۔ لیکن چنندہ ارب پتیوں کے لیے حکومت کے سبھی دروازے کھلے ہوتے ہیں۔ بے روزگاری ملک میں پھیلتی جا رہی ہے۔ جی ایس ٹی نافذ ہوا، نوٹ بندی کا نفاذ ہوا۔ پورے ملک میں آج 45 سال میں سب سے زیادہ بے روزگاری ہے۔ اس کی چوٹ سب سے زیادہ غریب، مزدور، چھوٹے دکاندار، چھوٹے کاروباری کو لگتی ہے۔‘‘
देश में 45 साल में आज सबसे ज्यादा बेरोजगारी है।
अन्याय के खिलाफ जारी इस महायुद्ध में आप भी अपना योगदान दें-https://t.co/WgbZ7PCkX9#DonateForYuvaNyay pic.twitter.com/zczF3gFRWM
— Congress (@INCIndia) January 29, 2024
راہل گاندھی نے اپنے خطاب میں ذات پر مبنی مردم شماری کی ضرورت پر بھی زور دیا۔ انھوں نے کہا کہ ملک میں آج دلت، پسماندہ اور قبائلی طبقہ دبا ہوا ہے۔ انھیں سماجی انصاف نہیں مل رہا ہے۔ اس لیے کانگریس نے سماجی انصاف کے لیے ایک انقلابی کام کرنے کا فیصلہ لیا ہے۔ سماجی انصاف کا پہلا قدم ذات پر مبنی مردم شماری ہے۔ یہ ملک کا ایکسرے ہے۔ پورے ملک میں ذات پر مبنی مردم شماری کے بعد کانگریس پارٹی ان طبقات کو ان کی حصہ داری دینے جا رہی ہے۔ راہل گاندھی نے نجکاری کا بھی معاملہ اٹھایا اور کہا کہ آج کل اداروں کی نجکاری لگاتار ہو رہی ہے۔ اس میں بھی سب سے زیادہ نقصان دلتوں، پسماندہ طبقات اور قبائلیوں کو ہو رہا ہے۔
सामाजिक न्याय का पहला कदम जाति जनगणना है।
जाति जनगणना के बाद कांग्रेस पार्टी पिछड़े और दलित वर्ग को उनकी हिस्सेदारी देने जा रही है।
आज कल संस्थाओं का निजीकरण हो रहा है, जिसमें सबसे ज्यादा नुकसान पिछड़ों, आदिवासियों और दलितों का है।
मोदी सरकार सिर्फ 2-3 उद्योगपतियों के लिए काम… pic.twitter.com/sRbmlcNnN7
— Congress (@INCIndia) January 29, 2024
![Follow us on Google News](https://jadeedbharat.com/wp-content/uploads/2024/01/GoogleNews.png)