جدید بھارت نیوز سروس
کھونٹی،28؍مارچ: جھارکھنڈ کے ضلع کھونٹی کے مرہو تھانہ علاقہ میں رام نومی جلوس کے اختتام کے بعد حالات اچانک کشیدہ ہو گئے۔ دو گروپوں کے درمیان ہونے والی تلخ کلامی نے دیکھتے ہی دیکھتے تنازع کی شکل اختیار کر لی، جس کے بعد علاقے میں پتھراؤ کے واقعات سامنے آئے ہیں۔
جمعہ کو ہی پیدا ہوا تھا تنازع
جمعہ کو نکالی گئی رام نومی شوبھا یاترا کے دوران ہی دونوں فریقین کے درمیان تنازع کی شروعات ہوئی تھی۔ اس وقت پولیس نے مداخلت کر کے صورتحال کو سنبھال لیا تھا۔ تاہم، ہفتہ کو ایک بار پھر دونوں فریق آمنے سامنے آ گئے، جس سے جھڑپ کی صورتحال بن گئی اور کشیدگی بڑھ گئی۔
پورے علاقے میں دفعہ 144 نافذ
واقعے کے بعد احتیاطی طور پر مرہو کے علاقے میں بھاری پولیس فورس تعینات کر دی گئی ہے۔ مشتعل مقامی لوگوں نے اپنی دکانیں بند کر دیں اور مرہو مہادیو منڈا کے پاس جمع ہو کر پتھراؤ میں ملوث ملزمان کی جلد گرفتاری کا مطالبہ کیا۔ کھونٹی کی ایس ڈی او دیپیش کماری نے بتایا کہ فی الحال صورتحال قابو میں ہے، لیکن احتیاط کے طور پر پورے علاقے میں دفعہ 144 نافذ کر دی گئی ہے۔ لوگوں سے گھروں میں رہنے کی اپیل کی گئی ہے۔ انہوں نے کہا کہ پورے معاملے کی غیر جانبدارانہ تحقیقات کی جا رہی ہیں اور قصورواروں کو کسی بھی صورت میں بخشا نہیں جائے گا۔
علاقے میں پولیس فورس کی تعیناتی
انتظامیہ کے مطابق، جلوس کے دوران ایک دو افراد پر پتھر گرنے کا واقعہ ہوا تھا، لیکن ابھی تک یہ واضح نہیں ہو سکا ہے کہ پتھر کہاں سے پھینکا گیا یا کہیں سے اچھل کر آ گیا تھا۔ فی الحال پولیس پورے معاملے کی گہرائی سے جانچ میں جٹی ہوئی ہے۔ پورے علاقے میں بڑی تعداد میں پولیس فورس کو تعینات کر دیا گیا ہے۔
کھونٹی: رام نومی جلوس کے بعد مرہو میں تناؤ، پتھراؤ کے بعد دفعہ 144 نافذ
