وزیر اعلیٰ نتیش کمار اور گورنرعامر محمد خان نے پُرخلوص خراجِ عقیدت پیش کیا
بہار ،15 دسمبر: بہار کے گورنر عارف محمد خان اور وزیر اعلیٰ نتیش کمار نے پیر کو مرد آہن سردار ولبھ بھائی پٹیل کی برسی پر انہیں پُرخلوص خراجِ عقیدت پیش کیا۔عارف محمد خان اور نتیش کمار نے آج مرد آہن سردار ولبھ بھائی پٹیل کی برسی پر منعقدہ سرکاری تقریب میں یہاں پٹیل چوک، چتکوہرا پل کے قریب سردار ولبھ بھائی پٹیل مجسمہ احاطہ میں نصب ان کے قدِ آدم مجسمہ پر گُل پوشی کرکے انہیں گہرا خراجِ عقیدت پیش کیا۔اس موقع پر نائب وزیر اعلیٰ سمراٹ چودھری، سڑکوں کی تعمیر اور شہری ترقیات اور ہاؤسنگ کے وزیر نتن نوین، وزیر صنعت ڈاکٹر دلیپ کمار جیسوال،دیہی ترقی کے وزیر شراون کمار، دیہی تعمیرات کے وزیر اشوک چودھری، پبلک ہیلتھ انجینئرنگ کے وزیر سنجے کمار سنگھ، ایم ایل اے شیام راجک اور ارون مانجھی،قانون ساز کونسلر کمود ورما، ریاستی شہری کونسل کے جنرل سکریٹری اروند کمار اور دیگر سماجی اور سیاسی کارکنوں نے آنجہانی سردار ولبھ بھائی پٹیل کے مجسمہ پر پھول چڑھا کر انہیں خراج عقیدت پیش کیا۔اس موقع پر محکمہ اطلاعات و تعلقات عامہ کے فنکاروں کے ذریعہ آرتی پوجن، بھجن، کیرتن، بہار گیت اور حب الوطنی کے گیتوں کے پروگرام پیش کیے گئے اور ان کی شخصیت، کارناموں اور قوم کی تعمیر میں ان کی دی گئی قربانی و ایثار کو یاد کرتے ہوئے انہیں خراجِ عقیدت پیش کیا گیا۔
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.
