ہندوستان کو ملا 53واں چیف جسٹس

جسٹس سوریہ کانت کو صدر جمہوریہ نے حلف دلایا

نئی دہلی، 24 نومبر (ہ س)۔ جسٹس سوریہ کانت نے پیر کو راشٹرپتی بھون کے ریپبلک ہال میں ہندوستان کے 53 ویں چیف جسٹس کے طور پر حلف لیا۔ صدر دروپدی مرمو نے عہدہ اور رازداری کا حلف دلایا۔ جسٹس سوریہ کانت نے جسٹس بی آرگوئی کی جگہ لی ہے جن کی میعاد 23 نومبر کو ختم ہوئی تھی۔ جسٹس سوریہ کانت 9 فروری 2027 تک 14 ماہ سے زیادہ کی مدت کے لیے چیف جسٹس کے طور پر کام کریں گے۔ س موقع پر نائب صدر رادھا کرشنن، وزیر اعظم نریندر مودی اور مرکزی وزیر قانون و انصاف ارجن رام میگھوال سمیت دیگر معززین موجود تھے۔ وزیر اعظم نے ٹویٹر پر لکھا، ’بطور چیف جسٹس آف انڈیا جسٹس سوریہ کانت کی حلف برداری کی تقریب میں شرکت کی۔ کامیاب مدت کے لیے میری نیک خواہشات‘۔