نریندر نارائن بہار قانون ساز اسمبلی کے پروٹیم اسپیکر مقرر

گورنر نے انہیں عہدے کا حلف دلایا

پٹنہ، 24 نومبر: بہار کی سیاست سے اس وقت بڑی خبریں سامنے آ رہی ہیں۔ جے ڈی یو کے ایم ایل اے نریندر نارائن کو بہار قانون ساز اسمبلی کا پروٹیم اسپیکر مقرر کیا گیا ہے۔ گورنر عارف محمد خان نے ان سے عہدے کا حلف لیا۔ اب نریندر نارائن نو منتخب ایم ایل اے کو عہدے کا حلف دلائیں گے۔نریندر نارائن نے مسلسل آٹھویں بار عالم نگر حلقہ سے کامیابی حاصل کی ہے۔ انہوں نے وی آئی پی کے نوین کمار کو 55,465 ووٹوں سے شکست دی۔ نریندر نارائن یادو کو 1,38,401 ووٹ ملے، جب کہ جن سورج کے سبودھ کمار سمن 8,934 ووٹ لے کر تیسرے نمبر پر رہے۔غور طلب ہے کہ نریندر نارائن وزیر اعلیٰ نتیش کمار کے قریبی ساتھیوں میں سے ایک ہیں۔ وہ بہار حکومت میں وزیر بھی رہ چکے ہیں۔ وہ پہلی بار 1955 میں عالم نگر حلقہ سے ایم ایل اے کے طور پر منتخب ہوئے تھے اور اس کے بعد سے مسلسل جیتتے رہے ہیں۔