تاریخی کامیابی پر مبارکباد پیش کی
جدید بھارت نیوز سروس
پٹنہ، 15 نومبر: ہندستانی عوام مورچہ کے قومی صدر ڈاکٹر سنتوش کمارسمن نے آج وزیراعلیٰ نتیش کمار سے خصوصی ملاقات کی۔اس موقع پر ڈاکٹر سمن نے وزیراعلیٰ کو حالیہ انتخابات میں حاصل ہونے والی بڑی تاریخی جیت پر دلی مبارکباد اور نیک خواہشات پیش کیں۔ڈاکٹر سمن نے کہا کہ یہ کامیابی بہار کی عوام کے اعتماد، اچھے حکمرانی کے تئیں وابستگی اور ترقی کے لیے حکومت کی سنجیدگی کی علامت ہے۔انہوں نے امید ظاہر کی کہ یہ عوامی مینڈیٹ بہار کو نئی توانائی دے گا اور ریاست کی ہمہ جہت ترقی کو مزید رفتار ملے گی۔وزیراعلیٰ نتیش کمار نے ڈاکٹر سمن کا شکریہ ادا کیا۔
