جدید بھارت نیوز سروس
رانچی، 14 جون:سابق وزیر، جھارکھنڈ حکومت کی رابطہ کمیٹی کے رکن اور جھارکھنڈ پردیش کانگریس کمیٹی کے کارگزار صدر بندھو ترکی نے کہا ہے کہ جھارکھنڈ میں اعلیٰ تعلیم کے معیار کو بہتر بنانے اور تمام یونیورسٹیوں میں تدریس اور سیکھنے کی حالت کو بہتر بنانے کے معاملے میں گورنر سنتوش کمار گنگوار سے کافی امیدیں ہیں۔راج بھون میں گورنر سنتوش کمار گنگوار سے آج راجدھانی میں ملاقات کے بعد ترکی نے کہا کہ گورنرگنگوار نے جھارکھنڈ کے انتہائی سنگین اراضی سے متعلق مسائل کو حل کرنے کے لئے پہل کرنے اور اس سلسلے میں حکومت کو ہدایت دینے کا یقین دلایا ہے۔ ترکی سے ملاقات کے دوران ریاستی کانگریس کے ورکنگ صدر شہزاد انور بھی موجود تھے۔
اعلی تعلیم کے شعبے کے معیار کے ساتھ ساتھ، جھارکھنڈ کے زمینی مسائل کو حل کرنے میں گورنر سے امید ہے: ترکی
