جدید بھارت نیوز سروس
نئی دہلی، 15 فروری: آیوش ہیلتھ کیئر سسٹمس کے لیے ایک اہم سنگ میل کے طور پر، مجیدیہ یونانی ہسپتال، جامعہ ہمدرد، نئی دہلی نے سرکاری طور پر ہسپتالوں اور صحت کی دیکھ بھال فراہم کرنے والوں کیلئے نیشنل ایکریڈٹیشن بورڈ (این اے بی ایچ) سے سرٹیفیکیشن حاصل کر لیا ہے۔ یہ ہسپتال اس معزز سرٹیفیکیشن کے ساتھ یونانی ہیلتھ کیئر مہیا کرانے والوں کے منتخب گروپ میں شامل ہوگیا ہے اور مجیدیا یونی ہسپتال کو آیوش ہیلتھ کیئر میں سب سے آگے رکھتا ہے۔چونکہ، مجیدیہ یونانی ہسپتال مریضوں کو صحت اور تندرستی کے لیے ایک قابل اعتماد اور جامع خدمات پیش کرنے کے لیے اپنی لگن کا مظاہرہ کر رہا ہے، اس لیے یہ یونانی علاج معالجہ اور مریضوں کی دیکھ بھال کے لیے ایک نیا معیار قائم کرتا ہے۔ این۔اے۔بی۔ایچ سرٹیفیکیشن کے ساتھ، ہسپتال نہ صرف اپنی ساکھ کو بڑھاتا ہے بلکہ اس بات کو بھی یقینی بناتا ہے کہ یہاں مریضوں کی دیکھ بھال اور علاج، حفظان صحت اور اخلاقی طریقوں کے اعلیٰ ترین معیارات کے مطابق ہوں۔ یہ سرٹیفیکیشن علاقے میں آیوش ہیلتھ کیئر کی دنیا میں ایک معروف خدمت فراہم کرنےوالے کے طور پر ہسپتال کی مارکیٹ پوزیشن کو مزید بڑھاتا ہے۔پروفیسر (ڈاکٹر) ایم۔ افشارعالم، وائس چانسلر، جامعہ ہمدرد اور پروفیسر عاصم علی خان، چیف میڈیکل سپرنٹنڈنٹ اور ڈین، اسکول آف یونانی میڈیکل ایجوکیشن اینڈ ریسرچ، پروفیسر منہاج احمد، میڈیکل سپرنٹنڈنٹ، مجیدیہ یونانی ہسپتال نے باضابطہ طور پر ایک عظیم الشان یونانی یوم کی تقریب اور بین الاقوامی کانفرنس کے موقع پر جامعہ ہمدرد میں ۱۳ فروری ۲۰۲۵ کو این۔اے۔بی۔ایچ سرٹیفیکیشن حاصل کیا۔ یہ سرٹیفکیٹ ڈاکٹر اتُل موہن کوچر، سی۔ ای۔ او۔، نیشنل ایکریڈیٹیشن بورڈ فار ہاسپٹلس اینڈ ہیلتھ کیئر پرووائیڈرس نے خود دیا۔ پروفیسر عاصم علی خان نے کہا کہ پروفیسر (ڈاکٹر) ایم افشارعالم، وائس چانسلر، جامعہ ہمدرد کی قیادت میں، یہ ایکریڈیشن محفوظ، موثر، اور اعلیٰ معیار کے آیوش علاج فراہم کرنے کے ساتھ، مریضوں کی رسائی کو وسیع کرنے کے علاوہ حکومتی یا غیر سرکاری تنظیموں کے ساتھ ایمپینلمنٹ کے ذریعے مریضوں کی رسائی کو بڑھانے کے لیے ہمارے عزم کی تصدیق کرتی ہے۔
پروفیسر (ڈاکٹر) ایم افشارعالم، وائس چانسلر، جامعہ ہمدرد نے تمام عہدہ داران بشمول پروفیسر عاصم علی خان، چیف میڈیکل سپرنٹنڈنٹ اور ڈین، اسکول آف یونانی میڈیکل ایجوکیشن اینڈ ریسرچ، پروفیسر منہاج احمد، میڈیکل سپرنٹنڈنٹ، مجیدیہ یونانی ہسپتال، ڈاکٹر احتشام الرحمٰن ، ڈپیوٹی میڈیکل سپرنٹنڈنٹ، ڈاکٹر نصرت احمد، اسسٹنٹ کوالٹی منیجر اور ان کی ٹیم، اسکول آف یونانی میڈیکل ایجوکیشن اینڈ ریسرچ کے تمام ہیڈ آف ڈیپارٹمنٹس، تمام فیکلٹی ممبران، نان ٹیچنگ اسٹاف ممبران، جامعہ ہمدرد کے طلباء کو اس بڑی کامیابی پر مبارک باد پیش کیا۔
مجیدیہ یونانی ہسپتال، جامعہ ہمدردنے NABH سرٹیفیکیشن حاصل کیا
