نتیش کمار نے اپنی ماں پرمیشوری دیوی کو خراج عقیدت پیش کیا

پٹنہ، یکم جنوری (یو این آئی) بہار کے وزیر اعلی نتیش کمار نے آج اپنی والدہ پرمیشوری دیوی کو ان کی برسی پر خراج عقیدت پیش کیا۔بدھ کو اپنی ماں کی برسی کے موقع پر مسٹر نتیش کمار نے اپنے آبائی گاؤں کلیان بیگھا، ہرناوت میں کاویراج رام لکھن سنگھ اسمرتی واٹیکا کا دورہ کیا۔ انہوں نے پرمیشوری دیوی کی مورتی پر پھول چڑھائے اور انہیں خراج عقیدت پیش کیا۔ انہوں نے اپنے والد آنجہانی کاویراج رام لکھن سنگھ اور اپنی اہلیہ آنجہانی منجو سنہا کے مجسمے پر پھول چڑھا کر انہیں خراج عقیدت بھی پیش کیا۔وزیر اعلیٰ کے بڑے بھائی ستیش کمار، بیٹے نشانت کمار اور قریبی خاندان کے افراد نے بھی مجسمہ پر پھول چڑھا کر خراج عقیدت پیش کیا۔ بہار کے نئے تعینات ہونے والے گورنر عارف محمد خان بھی آنجہانی پرمیشوری دیوی کی برسی کے موقع پر کلیان بیگھا میں واقع کاویراج رام لکھن سنگھ اسمرتی واٹیکا، ہرناوت میں ان کے مجسمہ پر پھول چڑھا کر انہیں خراج عقیدت پیش کیا۔اس موقع پر آبی وسائل اور پارلیمانی امور کے وزیر وجے کمار چودھری، ایم پی کوشلندر کمار، ایم ایل اے ڈاکٹر جتیندر کمار اور کوشل کشور، قانون ساز کونسلر سنجے کمار سنگھ عرف گاندھی جی اور بہار اسٹیٹ ڈیزاسٹر مینجمنٹ اتھارٹی کے وائس چیئرمین لالن صراف، ڈاکٹر رفیق اور دیگر بھی موجود تھے۔