منموہن سنگھ کے انتقال پر سکھوندر سنگھ سکھوکا اظہار تعزیت

شملہ، 27 دسمبر (یو این آئی) ہماچل پردیش کے وزیر اعلی سکھوندر سنگھ ‘سکھو نے جمعہ کو سابق وزیر اعظم اور عظیم ماہر اقتصادیات ڈاکٹر منموہن سنگھ کے انتقال پر گہرے رنج و غم کا اظہار کیا۔سکھو نے کہا کہ انہیں ڈاکٹر منموہن سنگھ کے انتقال کی خبر سے بہت دکھ ہوا ہے۔ یہ پورے ملک اور کانگریس خاندان کے لیے ایک ناقابل تلافی نقصان ہے۔ آج ہندوستانی سیاست میں ایک دور کا خاتمہ ہوا ہے۔ ڈاکٹر سنگھ کی دور اندیشی، ہوشیاری اور پالیسی کی کارکردگی نے ہندوستان کی معیشت کو ایک نئی سمت دی اور عالمی سطح پر ہندوستان کا وقار بڑھایا۔ ہندوستانی سیاست میں ان کی خدمات کو نسلوں تک یاد رکھا جائے گا۔ ان کی تخلیقات ہمیشہ تحریک کا ذریعہ رہیں گی۔انہوں نے دعا کی ہے کہ ایشور مرحوم کو اپنے قدموں میں جگہ دے اور غم کی اس گھڑی میں سوگوار خاندان کو صبر جمیل عطا فرمائے۔قابل ذکر ہے کہ ڈاکٹر منموہن سنگھ طویل عرصے سے بیمار تھے۔ جمعرات کی رات انہیں بے ہوشی کی حالت میں ایمس میں داخل کرایا گیا، جہاں ان کی موت ہوگئی۔