ماہی گیری کی مختلف اسکیموں اور سرگرمیوں کے بارے میں جانکاری حاصل کی
جدید بھارت نیوز سروس
رانچی ، 30نومبر: تریپورہ کے ماہی گیروں کی نو رکنی ٹیم جھارکھنڈ کے چار روزہ دورے پر رانچی پہنچے۔ اسی سلسلے میں، ماہی گیری کی ایک ٹیم نے سنیچر کو رانچی کے فش فارمرز ٹریننگ سینٹرکا دورہ کیا اور ماہی گیری کی مختلف اسکیموں اور سرگرمیوں کے بارے میں جانکاری حاصل کی۔ یہاں کے تالابوں میں ہونے والی فش فارمنگ، کیج فش فارمنگ، آر اے ایس، بائیو فلوک، جھینگا فارمنگ، پرل فارمنگ، انٹیگریٹڈ فش فارمنگ وغیرہ کے بارے میں بھی تفصیل سے بات کی اور اس سے بہت متاثر ہوئے۔ صبح کے وقت فش فارمر ٹریننگ کے مختلف ماڈلز کے ساتھ حفظان صحت کے مطابق فش مارکیٹ اور فش فیڈ کھانے کا مشاہدہ کیا۔ اس ٹیم کی قیادت وشوا دیو ورما، ایریا مینیجر، سینٹرفار مائیکرو فنانس اینڈ لائیولی ہڈ (ٹاٹا ٹرسٹ کا ایک اقدام) کر رہے تھے۔ ٹاٹا ٹرسٹ کے ساتھ،ممبئی کے نیرج کمار ورما،کنسلٹنٹ اور ایڈوائزر بھی موجود تھے۔مذکورہ معلومات فشریز ڈائریکٹوریٹ کے چیف انسٹرکٹر پرشانت کمار دیپک نے دی۔
