9views
وزیر اعلیٰ ہیمنت نے بی جے پی پر لگایا سنگین الزام
جدید بھارت نیوز سروس
رانچی، 19 نومبر:۔ وزیر اعلیٰ ہیمنت سورین نے بی جے پی پر سنگین الزامات لگائے ہیں۔ سوشل میڈیا پوسٹ پر تصویر شیئر کرتے ہوئے انہوں نے کہا ہے کہ اپنی یقینی شکست کو دیکھ کر بی جے پی اور اس کے لیڈران اب گرنے کی تمام حدیں پار کر چکے ہیں۔ یہ کافی شرمناک ہے۔ دراصل، ہیمنت سورین کی طرف سے شیئر کی گئی تصویر جے ایم ایم کا لیٹر پیڈ ہے، جس میں لکھا ہے کہ دھنوار سے جے ایم ایم کے امیدوار نظام الدین انصاری کو پارٹی کی بنیادی رکنیت سے معطل کر دیا گیا ہے۔ نیز، بطور امیدوار ان سے حمایت واپس لے لی گئی ہے۔ اس لیٹر پیڈ پر پارٹی کے جنرل سکریٹری ونود کمار پانڈے کے دستخط بھی ہیں۔ قابل ذکر ہے کہ نظام الدین انصاری دھنوار سے جے ایم ایم کے امیدوار ہیں۔
